ٶتكەن دەمالىس كٷندەرٸ برازيليياعا جۇمىس ساپارى اياسىندا قازاقستان رەسپۋبليكاسى پرەمەر-مينيسترٸنٸڭ ورىنباسارى – سىرتقى ٸستەر مينيسترٸ مۇرات نۇرتٸلەۋ Embraer, Tramontina, Vale, Marcopolo جەنە Amazul سىندى تانىمال كومپانييالاردى قوسا العاندا ەلدٸڭ جەتەكشٸ ٶنەركەسٸپتٸك بٸرلەستٸكتەرٸ مەن ٸرٸ كورپوراتسييالارىنىڭ باسشىلىعىمەن بٸرقاتار ەكٸجاقتى كەزدەسۋلەر ٶتكٸزدٸ, دەپ حابارلايدى Dalanews.kz.
برازيلييا ۇلتتىق ٶنەركەسٸپ كونفەدەراتسيياسىنىڭ پرەزيدەنتٸ ريكاردو البان مەن وسى ۇيىمنىڭ ۆيتسە-پرەزيدەنتٸ, سونداي-اق "قازاقستان-برازيلييا" ٸسكەرلٸك كەڭەسٸنٸڭ تەڭ تٶراعاسى جيلبەرتو پەتريمەن كەزدەسۋ بارىسىندا قازاقستانمەن ەكونوميكالىق بايلانىستاردى دامىتۋعا قوسقان ٷلەستەرٸ ٷشٸن ريزاشىلىق بٸلدٸرٸلدٸ جەنە ٶزارا ٸس-قيمىلدى ودان ەرٸ نىعايتۋ جولدارى تالقىلاندى. مينيستر برازيلييالىق ينۆەستورلاردى قازاقستان نارىعىنا تارتۋدىڭ ماڭىزدىلىعىن اتاپ ٶتٸپ, اعىمداعى جىلى ەلٸمٸزدە ٶتەتٸن ٸسكەرلٸك كەڭەستٸڭ تٶرتٸنشٸ وتىرىسىنا قاتىسۋعا شاقىردى.
Tramontina كومپانيياسىنىڭ ٶڭٸرلٸك ديرەكتورى گينتەر لەاندرو برينكمانن جاقىن ارادا الماتىدا رەسمي ٶكٸلدٸك اشۋ جوسپارىمەن بٶلٸستٸ. بۇل قادام – قازاقستان نارىعىنا دەگەن جوعارى قىزىعۋشىلىقتىڭ دەلەلٸ.
Embraer اۆياقۇرىلىس كورپوراتسيياسىنىڭ پرەزيدەنتٸ فرانتسيسكو گومەس نەتومەن كەزدەسۋدە كومپانييانىڭ ٶڭٸردەگٸ قاتىسۋىن كەڭەيتۋ باعىتتارى, ونىڭ ٸشٸندە ەلٸمٸزدە ەۋە كەمەلەرٸنە تەحنيكالىق قىزمەت كٶرسەتەتٸن ورتالىق اشۋ مٷمكٸندٸگٸ قاراستىرىلدى.
Vale تاۋ-كەن كومپانيياسىنىڭ اتقارۋشى ۆيتسە-پرەزيدەنتٸ سامي اراپپەن سۇحبات بارىسىندا شيكٸزات سالاسىنداعى بٸرلەسكەن جوبالاردى ٸسكە اسىرۋ پەرسپەكتيۆالارىن تالقىلاۋ ٷشٸن قازاقستانعا جۇمىس ساپارى ۇيىمداستىرۋ جٶنٸندە ۋاعدالاستىققا قول جەتكٸزٸلدٸ. سونىمەن قاتار كومپانييا ٶكٸلدەرٸ وتاندىق نارىققا شىعۋعا قىزىعۋشىلىق بٸلدٸردٸ.
Marcopolo ۆيتسە-پرەزيدەنتٸ ماۋرو گيلبەرتو بەللينيمەن اۆتوبۋس ٶندٸرٸسٸن لوكاليزاتسييالاۋ, ونىڭ ٸشٸندە قازاقستاندا جولاۋشىلار كٶلٸگٸن جيناۋ جوباسى اياسىنداعى ىقتيمال سەرٸكتەستٸك جولدارى قاراستىرىلدى.
Amazul مەملەكەتتٸك قورعانىس-ٶنەركەسٸپتٸك كومپانييا پرەزيدەنتٸ نيۋتون دە المەيدا كوشتا نەتومەن كەزدەسۋدە قازاتومٶنەركەسٸپ ۇلتتىق اتوم كومپانيياسىمەن تٸكەلەي بايلانىس ورناتۋ مەسەلەسٸنە باسا نازار اۋدارىلدى. كەزدەسۋ قورىتىندىسى بويىنشا بەيبٸت اتوم سالاسىنداعى ٶزارا ٸس-قيمىل مەحانيزمدەرٸن پىسىقتاۋ بويىنشا ٶزارا تٷسٸنٸستٸككە قول جەتكٸزٸلدٸ.
كەزدەسۋلەر بارىسىندا سىرتقى ساياسي ۆەدومستۆونىڭ باسشىسى شەتەلدٸك كاپيتال ٷشٸن قازاقستاننىڭ قۇقىقتىق الاڭىنىڭ تارتىمدىلىعىن اتاپ ٶتٸپ, ەل ٷكٸمەتٸنٸڭ شەتەلدٸك كومپانييالارعا قاجەتتٸ قولداۋ كٶرسەتۋگە دايىن ەكەنٸن جەتكٸزدٸ. گەوگرافييالىق ورنالاسۋدىڭ تيٸمدٸلٸگٸ, حالىقارالىق كٶلٸك دەلٸزدەرٸنە قاتىسۋى جەنە اشىق ساۋدا ساياساتى وتاندىق نارىق ارقىلى ەكسپورتتىق تٸزبەكتەردٸ كەڭەيتۋگە مٷمكٸندٸك بەرەتٸن نەگٸزگٸ فاكتورلار رەتٸندە اتالدى.
سونىمەن قاتار م.نۇرتٸلەۋ لاتىن امەريكاسىنىڭ كەسٸپكەرلەرٸن «قازاقستان-برازيلييا» ٸسكەرلٸك كەڭەسٸنٸڭ جۇمىسىنا بەلسەندٸ قاتىسۋعا جەنە ونىڭ الاڭىن ٶزارا ەكونوميكالىق بايلانىستاردى تەرەڭدەتۋ مەن بٸرلەسكەن جوبالاردى ٸسكە اسىرۋ ٷشٸن پايدالانۋعا شاقىردى.
ساپار اياسىندا برازيلييانىڭ جەتەكشٸ سالالىق بٸرلەستٸكتەرٸ مەن كومپانييالارىنىڭ قاتىسۋىمەن "برازيلييا-قازاقستان: ىنتىماقتاستىق پەرسپەكتيۆالارى" تاقىرىبىندا دٶڭگەلەك ٷستەل ٶتتٸ. ٸس-شارا بارىسىندا ينۆەستيتسييالىق جەنە ساۋدا-ەكونوميكالىق ٶزارا ٸس-قيمىلدىڭ ٶزەكتٸ باعىتتارى تالقىلانىپ, قازاقستاندىق نارىقتىڭ مٷمكٸندٸكتەرٸ تانىستىرىلدى, سونداي-اق بٸرقاتار ەكٸجاقتى مەموراندۋمدارعا قول قويىلدى.
