مۇنايلىعا قاتىنايتىن اۆتوبۋستار جاڭارتىلادى
2021 جىلدىڭ سوڭىنا دەيٸن №105 «اقتاۋ-باسقۇدىق-ماڭعىستاۋ» باعىتىنداعى تاسىمالداۋشى ٶز قاراجاتى ەسەبٸنەن DAEWOO BC211 ماركالى زاماناۋي 10 جاڭا اۆتوبۋس ساتىپ الادى.
وبلىستا جولاۋشىلاردى تاسىمالداۋ 35 تۇراقتى مارشرۋت, 200-گە جۋىق اۆتوبۋسپەن جٷزەگە اسىرىلۋدا. قوعامدىق كٶلٸكتەردٸڭ 40% استامىنىڭ توزىعى جەتكەن.
جولاۋشىلاردى ىڭعايلى ەرٸ ساپالى اۆتوبۋستارمەن قامتۋ ماقساتىندا بىلتىردان بەرٸ بٸرقاتار شارالار قولعا الىنۋدا. اتاپ ايتقاندا, ٶتكەن جىلى اقتاۋ قالاسىنىڭ اۆتوپاركٸ 18 جاڭا اۆتوبۋسپەن جاڭاردى. بيىل جولاۋشىلار تاسىمالداۋشىسىنىڭ باستاماسىمەن اقتاۋ قالاسىنا 2019 جىلعى شىققان «Ankai» ماركالى 30 جاڭا كٶلٸك ساتىپ الىندى. وسىلايشا وبلىس ورتالىعىنىڭ اۆتوبۋس پاركٸ 70%-عا جاڭارتىلدى.
