پرەمەر-مينيستر ولجاس بەكتەنوۆتٸڭ تٶراعالىعىمەن ٶتكەن ٷكٸمەت وتىرىسىندا حيمييا جەنە مۇناي-حيمييا سالاسىن دامىتۋ مەسەلەسٸ قارالدى, - دەپ حابارلايدى Dalanews.kz.
بٷگٸنگٸ تاڭدا ەلٸمٸزدە حيمييا جەنە مۇناي-گاز حيميياسى سەكتورىندا 12 ٸرٸ كەسٸپورىن جۇمىس ٸستەيدٸ. ٶندٸرٸستەر مينەرالدى تىڭايتقىشتار, بەيورگانيكالىق جەنە ورگانيكالىق حيمييالىق زاتتارمەن قاتار اۋقىمدى ٶنٸم سپەكترٸن شىعارادى. مىسالى اتىراۋ وبلىسىندا جۇمىس ٸستەپ تۇرعان پوليپروپيلەن زاۋىتى – ورتالىق ازييا ٶڭٸرٸندەگٸ وسى باعىتتاعى ەڭ ٸرٸ كەسٸپورىن جەنە قازاقستان ٶڭدەۋ ٶنەركەسٸبٸنٸڭ ەڭ اۋقىمدى جوباسى. 2024 جىلى جوبانىڭ II كەزەڭٸنٸڭ قۇرىلىسى باستالدى. نەگٸزگٸ مٸندەت – يمپورتتىق ٶنٸمدەردٸ تولىق الماستىرىپ, قوسىلعان قۇنى جوعارى ەكسپورتتىڭ ٶسۋٸن قامتاماسىز ەتۋ. جوبانىڭ جالپى ەل ەكونوميكاسىنا تيگٸزەتٸن مۋلتيپليكاتيۆتٸ ەسەرٸ زور.
سونىمەن قاتار, جامبىل وبلىسىندا ناتريي تسيانيدٸ مەن اممونيي سۋلفاتى ٶندٸرٸسٸن كەڭەيتۋ كٶزدەلٸپ وتىر. بۇدان بٶلەك بۋتاديەن, كارباميد, پوليەتيلەنتەرەفتالات ٶندٸرٸسٸ بويىنشا پەرسپەكتيۆالى جوبالار ٸسكە اسىرىلىپ جاتىر.
ٷكٸمەت وتىرىسىندا پرەمەر-مينيستر ٶڭدەۋ تەرەڭدٸگٸن ارتتىرۋ جەنە جوعارى تەحنولوگييالىق ٶنٸم تٷرلەرٸن كەڭەيتۋ قاجەتتٸگٸن اتاپ ٶتتٸ.
"بۇل جوبالاردىڭ بارلىعى قوسىلعان قۇن تٸزبەگٸن قۇرۋعا ٷلكەن ٷلەس قوسادى. دەگەنمەن شيكٸزاتتى تەرەڭ ٶڭدەۋ باعىتىندا سالانىڭ ەلەۋەتٸ تولىق پايدالانىلماي وتىر. كٷردەلٸ ٶنٸم شىعارۋ كٶلەمٸ ەلٸ دە تٶمەن. شيكٸزات رەسۋرستارى مەن مۇناي باعاسى قۇبىلىپ تۇرعان قازٸرگٸ جاعدايدا ٶڭدەۋ كٶلەمٸن ۇلعايتىپ, دايىن ٶنٸممەن سىرتقى نارىقتارعا شىعۋ كەرەك. بۇل ەكونوميكانىڭ قۋاتىن ارتتىرىپ, ساپالى جۇمىس ورىندارىن قۇرۋعا مٷمكٸندٸك بەرەدٸ", - دەدٸ ولجاس بەكتەنوۆ.
