مٷمكٸندٸكتەرٸڭٸز شەكسٸز...
سايىستىڭ ماقساتى – جاستاردىڭ وي-ٶرٸسٸ مەن دٷنيەتانىمىن ارتتىرۋ. سٶيلەۋ مەدەنيەتٸ, ەستەتيكا مەن ەتيكاسىن دامىتۋ. جان-جاقتى بٸلٸمدٸلٸككە, تاپقىرلىققا, جىلدامدىققا, ۇيىمشىلدىققا تەربيەلەۋ.
بۇل سايىسقا اقتٶبە قالاسىنىڭ سال اۋرۋىنا شالدىققان ازاماتتاردى قولداۋ ورتالىعىنىڭ مٷشەلەرٸ ەرجان اقتولقىن, زەۋٸرۇلى مانات, قاراباليەۆ مۇرابەك, كٶشەرباەۆ باۋىرجان, مۇحيددينۇلى سامۇرات قاتىستى.
سايىس ٷش بٶلٸمنەن تۇردى. سايىستا ەر تٷرلٸ قىزىقتى سۇراقتار مەن تاپسىرمالار بەرٸلدٸ.
بٸرٸنشٸ بٶلٸمدە – «تانىستىرۋ». بۇل اينالىمدا بارلىق سايىسكەرلەر ٶزدەرٸن بارىنشا تانىستىرىپ ٶتتٸ, سونىڭ ٸشٸندە زەۋٸرۇلى مانات دومبىرا تارتىپ, ٶلەڭدەتٸپ, ٶزٸ تۋرالى بارىنشا باياندادى. ەكٸنشٸ بٶلٸم تاقىرىپقا ساي «ٶنەرلٸ ٶرگە جٷزەر» دەپ اتالادى.
مٷمكٸندٸگٸ شەكتەۋلٸ جاندار ٶزدەرٸنٸڭ مۋزىكاعا جاقىن ەكەندٸكتەرٸن كٶرسەتٸپ, كەرەمەت ەۋەزدٸ ەندەر ورىندادى. ەسٸرەسە اقتولقىن مەن ماناتتىڭ «انا» تۋرالى شىرقاعان ەندەرٸ تىڭداۋشىلاردىڭ جٷرەگٸنە ەسەر ەتتٸ. سونداي-اق, زاماناۋي ەنشٸلەردٸڭ ەندەرٸن باۋىرجان مەن سامۇرات ناقىشىنا كەلتٸرٸپ, قيمىلىن سالىپ ورىندادى.
كەلەسٸ «بٸلگەنگە – مارجان» بٶلٸمٸندە جاستاردىڭ بٸلٸمٸن, دٷنيەتانىمىن كەڭەيتۋ ٷشٸن بٸرنەشە سۇراقتار قويىلىپ, جۇمباقتار شەشٸلدٸ. قاراباليەۆ مۇرابەك دەگەن جٸگٸت قازاق ورىس, تٷرٸك, اعىلشىن تٸلدەرٸندە بٸرنەشە ٶلەڭدەر وقىپ, كٶرەرمەندەردٸ تاڭعالدىردى. سايىس قىزىقتى ەرٸ كٶڭٸلدٸ ٶتۋ ٷشٸن شارانى جٷرگٸزۋشٸ لەززات ساعىندىققىزى كٶرەرمەندەرگە دە لوگيكالىق سۇراقتار قويدى, كٶرەرمەندەر شەشۋٸن بٸردە تاۋىپ, بٸردە تاپپاي مەز-مەيرام بولدى. سايىس سوڭىندا ەدٸلقازى مٷشەلەرٸ جەڭٸمپازداردى انىقتاپ, ٶز وي-پٸكٸرلەرٸن بٸلدٸردٸ. ەدٸلقازىلار مٷشەسٸنٸڭ تٶراعاسى, كٸتاپحانا ديرەكتورى گٷلجاينار نەرەنقىزى كالدينا «سٸزدەردٸڭ مٷمكٸندٸكتەرٸڭٸز شەكتەۋلٸ ەمەس, كەرٸسٸنشە مٷمكٸندٸكتەرٸڭٸز شەكسٸز, قولدارىڭىزدان بەرٸ كەلەدٸ...» دەپ قۇتتىقتاۋ سٶز سٶيلەپ, جەڭٸمپازداردى ديپلومدارمەن ماراپاتتاپ, سىيلىقتار تاپسىردى.
ٷرجان قۇرمانقىزى,
س.جيەنباەۆ اتىنداعى وبلىستىق جاسٶسپٸرٸمدەر كٸتاپحاناسى ديرەكتورىنىڭ ورىنباسارى.
اقتٶبە قالاسى.
