جاستار مۇمكىندىگى شەكتەۋلى ادامداردىڭ ءومىرىن جاقسارتۋعا باعىتتالعان، جارتى جىل بويى جۇمىس جاساعان جوبالارىن قازىلار القاسىنا تانىستىرادى. جوباعا "شيەۆرون" كومپانياسى قولداۋ كورسەتۋدە.
ITeachMe ينكليۋزيۆتى ءبىلىم جوباسىنىڭ باستى مىندەتى مۇمكىندىكتەرى شەكتەۋلى جاستاردى باعدارلامالاۋ، كودتاۋ، جوبانى باسقارۋ، ديزاين، ماركەتينگتىڭ نەگىزدەرى، روبوت جاساۋ تەحنيكاسىن مەڭگەرۋ جانە ت.ب. باعىتتاردا وقىتۋ.
ITeachMe ءتۇرلى IT سالاسىنداعى ساراپشىلارى وقىتۋشى بولعان ءتورت كۇندىك لاگەردەن باستاپ ونلاين ءبىلىم بەرۋ جانە مەنتورلىق كومەك كورسەتۋگە دەيىن كەشەندى ءبىلىم باعدارلاماسىنان تۇرادى.
قاتىسۋشىلاردىڭ مەنتورلارمەن تىعىز بايلانىستا بولۋى يدەيالاردى جاقسارتۋ، اقشاعا اينالدىرۋ جولدارىن ويلاستىرۋ، اۋديتوريانى تارتۋ مەن دامىتۋعا سەپتىگىن تيگىزدى.
اقتىق سىنعا جەتى جوبا قاتىسادى:
- CUP (Classmates Up the Progress) - جوبا ونلاين تۇردە جۇزەگە اسىرىلادى. ماماندىعىن اۋىستىرعىسى كەلەتىن ستۋدەنت ۆيرتۋالدى پلاتفورماعا كىرىپ، ءبىر كۇن باعدارلامالاۋشىنىڭ، ماركەتولوگتىڭ جانە ديزاينەردىڭ ءومىرىن «سۇرۋگە» مۇمكىندىك الادى.
- Rapport قوسىمشاسى – ءبىر ۋاقىتتا ىممەن سويلەسۋ جانە قازاق ءتىلىن ۇيرەنۋ.
- ASAR قوسىمشاسى – وزدەرىنە جاقىن ورنالاسقان ادامداردان بەلگى الىپ، ەرىكتىلەرمەن بايلانىس ورناتۋ ارقىلى بارلىق مۇقتاج ادامدارعا كومەك كورسەتۋ (مۇمكىندىگى شەكتەۋلى جاندارعا، زەينەتكەرلەرگە، بالالارعا جانە ت.ب.).
- ەرەكشە مۇقتاجدىقتارى بار ادامدارعا ارنالعان ينكليۋزيۆتى ورتادا جۇمىس ىستەۋ ەرەكشەلىگىن ەسەپكە الا وتىرىپ جاسالعان روبوت جاساۋ جانە باعدارلامالاۋ بويىنشا كۋرس.
- «Dariger» مەديسينالىق پلاتفورما - الەۋمەتتىك-وسال توپتارعا بەلگىلى ءبىر دارىگەرلەرگە ونلاين جازىلاتىن چات-بوت.
- «103» قوسىمشاسى – ادامنىڭ تۇرعان مەكەنىن ناقتى انىقتاي الۋعا كومەكتەسەتىن جەدەل-جاردەم كارتاسى.
- مۇمكىندىگى شەكتەۋلى بالالاردى زاماناۋي جاتتىعۋ قۇرىلعىلارى ارقىلى ساۋىقتىرۋ.
فينالدىڭ اشىلۋ راسىمىنە ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى ناريمان مۋكۋشيەۆ، «Samruk-Kazyna Trust» كق، الەۋمەتتىك جوبالاردى دامىتۋ قورىنىڭ كورپوراتيۆتىك بايلانىس دەپارتامەنتىنىڭ ديرەكتورى ميراس ىرگەبايەۆ، ءبىلىم جانە عىلىم مينيسترلىگىنىڭ، «شيەۆرون» كومپانياسى، «ەرەكشە تاڭداۋ-شەلەك» قورى جانە «ورتالىق ازيانىڭ ەۆرازيا قورى» وكىلدەرى قاتىسادى.
ءىس-شارا «ەرەكشە تاڭداۋ-شەلەك» كورپوراتيۆتىك قورى، «مويىمايتىن مۇگەدەكتەر قوعامى» قوعامدىق بىرلەستىگى، «Samruk-Kazyna Trust» الەۋمەتتىك جوبالاردى دامىتۋ قورىنىڭ بىرلەستىگى مەن «شيەۆرون» كومپانياسى، ق ر ەڭبەك جانە حالىقتى الەۋمەتتىك قورعاۋ مينيسترلىگى جانە «ورتالىق ازيانىڭ ەۆرازيا قورى» كورپوراتيۆتىك قورىنىڭ قولداۋىمەن ۇيىمداستىرىلادى.
