Jastar múmkindigi shekteýli adamdardyń ómirin jaqsartýǵa baǵyttalǵan, jarty jyl boiy jumys jasaǵan jobalaryn qazylar alqasyna tanystyrady. Jobaǵa "Shevron" kompaniiasy qoldaý kórsetýde.
ITeachMe inkliýzivti bilim jobasynyń basty mindeti múmkindikteri shekteýli jastardy baǵdarlamalaý, kodtaý, jobany basqarý, dizain, marketingtiń negizderi, robot jasaý tehnikasyn meńgerý jáne t.b. baǵyttarda oqytý.
ITeachMe túrli IT salasyndaǵy sarapshylary oqytýshy bolǵan tórt kúndik lagerden bastap onlain bilim berý jáne mentorlyq kómek kórsetýge deiin keshendi bilim baǵdarlamasynan turady.
Qatysýshylardyń mentorlarmen tyǵyz bailanysta bolýy ideialardy jaqsartý, aqshaǵa ainaldyrý joldaryn oilastyrý, aýditoriiany tartý men damytýǵa septigin tigizdi.
Aqtyq synǵa jeti joba qatysady:
- CUP (Classmates Up the Progress) - joba onlain túrde júzege asyrylady. Mamandyǵyn aýystyrǵysy keletin stýdent virtýaldy platformaǵa kirip, bir kún baǵdarlamalaýshynyń, marketologtyń jáne dizainerdiń ómirin «súrýge» múmkindik alady.
- Rapport qosymshasy – bir ýaqytta ymmen sóilesý jáne qazaq tilin úirený.
- ASAR qosymshasy – ózderine jaqyn ornalasqan adamdardan belgi alyp, eriktilermen bailanys ornatý arqyly barlyq muqtaj adamdarǵa kómek kórsetý (múmkindigi shekteýli jandarǵa, zeinetkerlerge, balalarǵa jáne t.b.).
- Erekshe muqtajdyqtary bar adamdarǵa arnalǵan inkliýzivti ortada jumys isteý ereksheligin esepke ala otyryp jasalǵan robot jasaý jáne baǵdarlamalaý boiynsha kýrs.
- «Dariger» meditsinalyq platforma - áleýmettik-osal toptarǵa belgili bir dárigerlerge onlain jazylatyn chat-bot.
- «103» qosymshasy – adamnyń turǵan mekenin naqty anyqtai alýǵa kómektesetin jedel-járdem kartasy.
- Múmkindigi shekteýli balalardy zamanaýi jattyǵý qurylǵylary arqyly saýyqtyrý.
Finaldyń ashylý rásimine QR Eńbek jáne halyqty áleýmettik qorǵaý Vitse-Ministri Nariman Mýkýshev, «Samruk-Kazyna Trust» KQ, Áleýmettik jobalardy damytý qorynyń korporativtik bailanys departamentiniń direktory Miras Irgebaev, Bilim jáne ǵylym ministrliginiń, «Shevron» kompaniiasy, «Erekshe Tańdaý-Shelek» qory jáne «Ortalyq Aziianyń Evraziia Qory» ókilderi qatysady.
Is-shara «Erekshe Tańdaý-Shelek» Korporativtik qory, «Moiymaityn Múgedekter Qoǵamy» Qoǵamdyq birlestigi, «Samruk-Kazyna Trust» áleýmettik jobalardy damytý qorynyń birlestigi men «Shevron» kompaniiasy, QR Eńbek jáne halyqty áleýmettik qorǵaý ministrligi jáne «Ortalyq Aziianyń Evraziia Qory» Korporativtik qorynyń qoldaýymen uiymdastyrylady.
