مۇلىكتى جاريا ەتۋ جالعاسۋدا

Dalanews 27 ءساۋ. 2015 04:36 444

ءقازىر ەلىمىزدە مۇلىكتى جاريا ەتۋ جۇمىستارى كەڭ كولەمدە ءجۇرىپ جاتىر. مۇلىكتى جاريا ەتۋ دەگەنىمىز – تابىستاردى جاسىرۋ ماقساتىندا زاڭدى ەكونوميكالىق اينالىمنان شىعارىلعان جانە ەلىمىزدىڭ زاڭناماسىنا سايكەس رەسىمدەلمەگەن نە ءتيىستى ەمەس تۇلعاعا رەسىمدەلگەن مۇلىككە قۇقىقتاردى مەملەكەتتىڭ تانۋ ءراسىمى ەكەندىگىن اتاپ ءوتۋ قاجەت. سونىمەن بىرگە، جاريا ەتىلگەن كاپيتال تۇرىندە  ەكونوميكاعا قوسىمشا قاراجاتتى تارتۋ – ونىڭ باستى ماقساتى ەكەنىن ەسكەرگەن ءجون. ناۋقان بار مۇلىكتى جاريا ەتۋگە جانە زاڭدى اينالىمعا ەنگىزۋگە مۇمكىندىك بەرەدى.

2014 جىلدىڭ 1 قىركۇيەگىنەن باستاپ «قازاقستان ازاماتتارىنا، ورالماندارعا جانە ەلىمىزدە تۇرۋعا ىقتيارحاتى بار ادامدارعا ولاردىڭ مۇلىكتى جاريا ەتۋىنە بايلانىستى راقىمشىلىق جاساۋ تۋرالى» 2014 جىلعى 30ماۋسىمداعى ق ر زاڭىن جۇزەگە اسىرۋ جۇمىستارى قولعا الىنىپ، جان-جاقتى ىسكە اسۋدا. اتالعان زاڭنىڭ 3 بابى 1 تارماعى 5 تارماقشاسىنا سايكەس قازاقستان اۋماعىندا، قۇرىلىس نورمالارىنا جانە ەرەجەلەرىنە،  جەر تەلىمىن پايدالانۋ نىسانىنا سايكەس، لەگاليزاسيا سۋبەكتىسىنىڭ جەكەمەنشىك قۇقىعى بار عيماراتتار (قۇرىلىستار، عيماراتتار) جاريا ەتۋگە جاتادى. الماتى قالاسى اكىمدىگىنىڭ جانىنداعى جەتىسۋ اۋدانى بويىنشا مۇلىكتى جاريا ەتۋ كوميسسياسى قۇجاتتاردى جانە وتىنىشتەردى كۇن سايىن ساعات 10.00-دەن 17.00-گە دەيىن، الماتى قالاسى جەتىسۋ اۋدانى اكىمى اپپاراتىنىڭ عيماراتىندا (105 ءبولىم، تەل: 384-27-56؛ 8701-721-85-44) قابىلداپ كەلەدى. ءار اپتانىڭ دۇيسەنبى كۇنىندە قابىلدانعان قۇجاتتار كوميسسيا وتىرىسىندا قاراستىرىلادى.  بۇگىندە اۋدانىمىز بويىنشا 640 ءوتىنىش قابىلدانىپ، كوميسسيا وتىرىسىندا 590 ءوتىنىش قاراستىرىلعان. ناتيجەسىندە مۇلىكتى جاريا ەتۋ بويىنشا 293 ءوتىنىش باس تارتىلسا، 297 ءوتىنىش بويىنشا مۇلىك جاريا ەتىلگەن.

ەل ازاماتتارى قازاقستان اۋماعىنان تىس جەرلەردە تۇرعان ءمۇلiك بويىنشا (اقشادان باسقا) جاريا ەتۋ سۋبەكتىسىنىڭ تۇرعىلىقتى جەرى بويىنشا سالىق ورگانىنا قۇجاتتاردى جانە ءوتىنىشتى تاپسىرۋى ءتيىس ەكەنىن حابارلايمىز.

جەتىسۋ اۋدانى بويىنشا مۇلىكتى جاريا ەتۋدى وتكىزۋ جونىندەگى كوميسسياسى.

ۇسىنىلعان
سوڭعى جاڭالىقتار