كەز كەلگەن زاڭ ۋاقىت وتكەن سايىن ءوزىنىڭ ماڭىزىن جوعالتادى. تۇرعىن ۇي-كوممۋنالدىق شارۋاشىلىعى سالاسىن رەتتەيتىن زاڭ 1997 جىلى قابىلدانىپ، 20 جىلدا وعان 60 رەت تۇزەتۋلەر مەن تولىقتىرۋلار ەنگىزىلىپتى. سوڭعى جىلدارى بۇل زاڭدى تۇزەتە بەرگەننەن كوممۋنالدىق شارۋاشىلىق سالاسىنىڭ كوسەگەسى كوگەرمەيتىنى بەلگىلى بولعاننان كەيىن قۇزىرلى ورىندار جاڭا زاڭدى ازىرلەپ قابىلداۋعا ءماجبۇر بولدى. جاڭا زاڭدى قابىلداۋعا سالا ماماندارىنان قۇرالعان ارنايى كوميسسيا جۇمىس ىستەپ، زاڭنامانى ابدەن پىسىرگەنىن ايتا كەتۋىمىز كەرەك.
جاڭا زاڭ بويىنشا ەلىمىزدە پاتەر يەلەرى كوپەراتيۆتەرىنىڭ ورنىنا مۇلىك يەلەرى بىرلەستىگى قۇرىلدى. قازىرگى تاڭدا كوپشىلىك قاۋىم پيك-تەردىڭ ورنىنا قۇرىلىپ جاتقان مۇلىك يەلەرى بەرلەستىگىنىڭ نە ءۇشىن قۇرىلعانىن تۇسىنبەي جاتقانى جاسىرىن ەمەس. وسى رەتتە Dalanews.kz اقپارات اگەنتتىگى جاڭادان قۇرىلعان مۇلىك يەلەرى بەرلەستىگىنىڭ قىزمەتى جايىندا از-كەم ماعۇلمات بەرە كەتكەندى ءجون ساناپ وتىر.
سوڭعى جىلدارى ەلىمىز بويىنشا پاتەر يەلەرى كوپەراتيۆتەرىنىڭ ۇستىنەن شاعىمدانعان تۇرعىنداردىڭ قاراسى ارتا تۇسكەنى بەلگىلى. وسىلايشا كوپشىلىك اراسىندا پيك دەگەن اتاۋعا يە بولعان ۇيىم ءوزىنىڭ ماڭىزىن تومەندەدى. پيك-تەردىڭ جۇمىسى قوجىراعاننان كەيىن ەلىمىزدە كوپپاتەرلى تۇرعىن ۇيلەردى توزۋى جىل وتكەن سايىن ارتا تۇسكەنى جاسىرىن ەمەس.
پيك-تەر بىرنەشە كوپقاباتتى تۇرعىن ۇيلەرگە قىزمەت كورسەتۋ مۇمكىندىگىنە يە بولدى. ءبىراق تۇرعىندار تاراپىنان جينالاتىن تۇرعىن ۇيگە كۇردەلى جوندەۋ جۇمىستارىن جۇرگىزۋگە قاجەتتى قاراجات ءبىر ەسەپ شوتقا ءتۇسىپ وتىردى. وسىدان كەيىن داۋ-داماي ۇدەي تۇسكەنى بەلگىلى.
پيك-تەر قاي ۇيگە بولاشاقتاعى كۇردەلى جوندەۋ جۇمىستارىن جۇرگىزۋ ۇگىن قانشا قارجى جيناقتالعانىن ەسەپتەي المايتىن كۇيگە ءتۇستى.
كەيبىر تۇرعىندا بولاشاقتا جۇرگىزىلەتىن كۇردەلى جوندەۋ ءۇشىن اقشا تولەسە، ەندى ءبىرى بۇل اقشانى مۇلدە تولەمەدى. وسىدان كەيىن تۇرعىن ۇيلەردى كۇردەلى جوندەۋگە قاجەتتى قارجات دۇرىس جينالمادى. قاي ۇيگە قانشا اقشا جينالعانى بەلگىسىز كۇيىندە قالدى. وسىدان كەيىن تۇرعىندار پيك-تەردىڭ جۇمىسىنا نارازىلىعىن ءبىلدىرىپ، جەرگىلىكتى بيلىك ورىندارىنا شاعىمدانا باستاعانى بولاتىن.
ال جاڭادان قۇرىلعان مۇلىك يەلەرى بىرلەستىگى وسى قاتەلىكتى قايتالاماۋ ءۇشىن ءار ۇيگە جەكە ەسەپ شوت اشىپ جۇمىس ىستەيدى. سونىمەن قاتار مۇنداي بىرلەستىكتەردىڭ جۇمىسىن تۇرعىنداردىڭ باقىلايتىن تەتىك قاراستىرىلعان. تۇرعىن ءۇي يەلەرى بولاشاقتاعى كۇردەلى جوندەۋگە جۇمسالاتىن اقشانىڭ كولەمىن وزدەرى دە بىلگىلەپ وتىرادى. مۇنداي جاعدايدا تۇرعىندار مەن مۇلىك يەلەرى بىرلەستىگى اراسىندا داۋ-دامايدا تۋىندامايتىنى بەلگىلى.
وسى رەتتە Dalanews.kz اقپارات اگەنتتىگى تۇرعىن ۇي-كوممۋنالدىق شارۋاشىلىعى سالاسىندا قولعا الىنعان جاڭاشىلدىقتار تۇرعىندار مەن بىرلەستىكتەر اراسىنداعى بايلانىستىڭ اشىقتىعىن قامتاماسىز ەتەتىنىن ايتىقىمىز كەلەدى.
