Kez kelgen zań ýaqyt ótken saiyn óziniń mańyzyn joǵaltady. Turǵyn úi-kommýnaldyq sharýashylyǵy salasyn retteitin zań 1997 jyly qabyldanyp, 20 jylda oǵan 60 ret túzetýler men tolyqtyrýlar engizilipti. Sońǵy jyldary bul zańdy túzete bergennen kommýnaldyq sharýashylyq salasynyń kósegesi kógermeitini belgili bolǵannan keiin quzyrly oryndar jańa zańdy ázirlep qabyldaýǵa májbúr boldy. Jańa zańdy qabyldaýǵa sala mamandarynan quralǵan arnaiy komissiia jumys istep, zańnamany ábden pisirgenin aita ketýimiz kerek.
Jańa zań boiynsha elimizde Páter ieleri koperativteriniń ornyna Múlik ieleri birlestigi quryldy. Qazirgi tańda kópshilik qaýym PIK-terdiń ornyna qurylyp jatqan Múlik ieleri berlestiginiń ne úshin qurylǵanyn túsinbei jatqany jasyryn emes. Osy rette Dalanews.kz aqparat agenttigi jańadan qurylǵan Múlik ieleri berlestiginiń qyzmeti jaiynda az-kem maǵulmat bere ketkendi jón sanap otyr.
Sońǵy jyldary elimiz boiynsha Páter ieleri koperativteriniń ústinen shaǵymdanǵan turǵyndardyń qarasy arta túskeni belgili. Osylaisha kópshilik arasynda PIK degen ataýǵa ie bolǵan uiym óziniń mańyzyn tómendedi. PIK-terdiń jumysy qojyraǵannan keiin elimizde kóppáterli turǵyn úilerdi tozýy jyl ótken saiyn arta túskeni jasyryn emes.
PIK-ter birneshe kópqabatty turǵyn úilerge qyzmet kórsetý múmkindigine ie boldy. Biraq turǵyndar tarapynan jinalatyn turǵyn úige kúrdeli jóndeý jumystaryn júrgizýge qajetti qarajat bir esep shotqa túsip otyrdy. Osydan keiin daý-damai údei túskeni belgili.
PIK-ter qai úige bolashaqtaǵy kúrdeli jóndeý jumystaryn júrgizý úgin qansha qarjy jinaqtalǵanyn eseptei almaityn kúige tústi.
Keibir turǵynda bolashaqta júrgiziletin kúrdeli jóndeý úshin aqsha tólese, endi biri bul aqshany múlde tólemedi. Osydan keiin turǵyn úilerdi kúrdeli jóndeýge qajetti qarjat durys jinalmady. Qai úige qansha aqsha jinalǵany belgisiz kúiinde qaldy. Osydan keiin turǵyndar PIK-terdiń jumysyna narazylyǵyn bildirip, jergilikti bilik oryndaryna shaǵymdana bastaǵany bolatyn.
Al jańadan qurylǵan Múlik ieleri birlestigi osy qatelikti qaitalamaý úshin ár úige jeke esep shot ashyp jumys isteidi. Sonymen qatar mundai birlestikterdiń jumysyn turǵyndardyń baqylaityn tetik qarastyrylǵan. Turǵyn úi ieleri bolashaqtaǵy kúrdeli jóndeýge jumsalatyn aqshanyń kólemin ózderi de bilgilep otyrady. Mundai jaǵdaida turǵyndar men Múlik ieleri birlestigi arasynda daý-damaida týyndamaityny belgili.
Osy rette Dalanews.kz aqparat agenttigi turǵyn úi-kommýnaldyq sharýashylyǵy salasynda qolǵa alynǵan jańashyldyqtar turǵyndar men birlestikter arasyndaǵy bailanystyń ashyqtyǵyn qamtamasyz etetinin aityqymyz keledi.
