جىبەرىلگەن SMS-حابارلامادا كورسەتىلگەن مۇلىك سالىعى مەن جەر سالىعىنىڭ سوماسىنا:
- 2018 جىلعا ەسەپتەلگەن سالىقتارى؛
- 2019 جىلعى 16 قىركۇيەكتەگى جاعداي بويىنشا جەكە تۇلعالاردىڭ شوتتارىندا قالىپتاسقان بەرەشەك جانە ارتىق تولەمدەر سومالارى قوسىلعان.
SMS – حابارلامالار تاراتۋ قىزمەتى پيلوتتىق رەجيمدە جەكە تۇلعالاردى سالىق مىندەتتەمەلەرى تۋرالى ۋاقتىلى حاباردار ەتۋ ماقساتىندا ىسكە قوسىلدى.
بۇل «سالىقتىق اكىمشىلەندىرۋدى رەفورمالاۋ» جوباسىنىڭ اياسىندا قازاقستان رەسپۋبليكاسى قارجى مينيسترلىگى (بۇدان ءارى – قارجى مينيسترلىگى) ازىرلەگەن «ينتەگرالدى دەرەكتەر بازاسى» اقپاراتتىق جۇيەسىنىڭ «جەرگىلىكتى سالىقتار» ىشكى جۇيەسىنىڭ ارقاسىندا مۇمكىن بولدى.
«ينتەگرالدى دەرەكتەر بازاسى» اج ماڭىزدى قۇرامداس بولىكتەرىنىڭ ءبىرى سالىق تولەۋشىلەرگە سالىق ورگاندارى ەسەپتەيتىن جەرگىلىكتى سالىقتاردىڭ سومالارى تۋرالى حابارلاما جىبەرۋ قىزمەتى بولىپ تابىلادى.
تاياۋ ۋاقىتتا قازاقستان رەسپۋبليكاسىنىڭ ازاماتتارى ۇيالى قۇرىلعىلاردا (سمارتفوندار، باتىرمالىق تەلەفوندار) تولەۋگە ءتيىستى سالىق سوماسى تۋرالى SMS-حابارلامالار الادى.
SMS-حابارلامانىڭ ءسوزسىز ارتىقشىلىعى - جەكە تۇلعالارعا سالىق مىندەتتەمەلەرى تۋرالى حابارلامالاردىڭ جەدەل جەتكىزىلۋىنە ءجۇز پايىزعا جۋىق كەپىلدىك. SMS-حابارلامالاردىڭ تاعى ءبىر ارتىقشىلىعى - بارلىق ۇيالى تەلەفونداردى پايدالانۋشىلاردى، ونىڭ ىشىندە، كنوپكالى ۇيالى تەلەفونداردىڭ يەلەرىن قوساتىن ۇلكەن اۋديتوريا.
سونداي-اق، جەكە تۇلعالارعا وسىنداي حابارلامالار قازاقستان رەسپۋبليكاسىنىڭ ەڭ ءىرى بانكتەرىنىڭ ءبىرى - «Kaspi Bank» اق ءموبيلدى قوسىمشاسى ارقىلى جىبەرىلەدى.
سونىمەن بىرگە، سالىق ورگاندارى 2018 جىلعا ەسەپتەگەن جانە 2019 جىلدىڭ 1 قازانىنان كەشىكتىرمەي تولەۋگە جاتاتىن سالىقتار سوماسى (مۇلىك سالىعى جانە جەر سالىعى) تۋرالى حابارلامالار قازاقستان رەسپۋبليكاسىنىڭ ازاماتتارىنا كوممۋنالدىق قىزمەتتەردى جەتكىزۋشىلەردىڭ كۋرەرلىك قىزمەتى ارقىلى دا جىبەرىلدى. سونىمەن قاتار، حابارلامالار قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىنىڭ «سالىق تولەۋشىلەر كابينەتى» قىزمەتىن پايدالانۋشىلارعا ەلەكتروندى تۇردە جىبەرىلدى.
جەكە تۇلعالار كەز-كەلگەن ىڭعايلى جولمەن سالىق تولەي الادى: ەكىنشى دەڭگەيدەگى بانك بولىمشەلەرىندە نەمەسە تولەم تەرمينالدارىندا قولما-قول اقشامەن، بانكوماتتار مەن تولەم تەرمينالدارىندا بانكتىك كارتالاردى قولدانا وتىرىپ www.kgd.gov.kz سايتىنداعى ەلەكتروندى قىزمەتتەردى پايدالانا وتىرىپ.
انىقتاما ءۇشىن جەكە تۇلعالار ءبىرىڭعاي بايلانىس ورتالىعىنىڭ اقىسىز نومىرىنە - 1414 جۇگىنە الادى.
