Múlik jáne jer salyǵy týraly SMS-habarlamalar
Jiberilgen SMS-habarlamada kórsetilgen múlik salyǵy men jer salyǵynyń somasyna:
- 2018 jylǵa eseptelgen salyqtary;
- 2019 jylǵy 16 qyrkúiektegi jaǵdai boiynsha jeke tulǵalardyń shottarynda qalyptasqan bereshek jáne artyq tólemder somalary qosylǵan.
SMS – habarlamalar taratý qyzmeti pilottyq rejimde jeke tulǵalardy salyq mindettemeleri týraly ýaqtyly habardar etý maqsatynda iske qosyldy.
Bul «Salyqtyq ákimshilendirýdi reformalaý» jobasynyń aiasynda Qazaqstan Respýblikasy Qarjy ministrligi (budan ári – Qarjy ministrligi) ázirlegen «Integraldy derekter bazasy» aqparattyq júiesiniń «Jergilikti salyqtar» ishki júiesiniń arqasynda múmkin boldy.
«Integraldy derekter bazasy» AJ mańyzdy quramdas bólikteriniń biri salyq tóleýshilerge salyq organdary esepteitin jergilikti salyqtardyń somalary týraly habarlama jiberý qyzmeti bolyp tabylady.
Taiaý ýaqytta Qazaqstan Respýblikasynyń azamattary uialy qurylǵylarda (smartfondar, batyrmalyq telefondar) tóleýge tiisti salyq somasy týraly SMS-habarlamalar alady.
SMS-habarlamanyń sózsiz artyqshylyǵy - jeke tulǵalarǵa salyq mindettemeleri týraly habarlamalardyń jedel jetkizilýine júz paiyzǵa jýyq kepildik. SMS-habarlamalardyń taǵy bir artyqshylyǵy - barlyq uialy telefondardy paidalanýshylardy, onyń ishinde, knopkaly uialy telefondardyń ielerin qosatyn úlken aýditoriia.
Sondai-aq, jeke tulǵalarǵa osyndai habarlamalar Qazaqstan Respýblikasynyń eń iri bankteriniń biri - «Kaspi Bank» AQ mobildi qosymshasy arqyly jiberiledi.
Sonymen birge, salyq organdary 2018 jylǵa eseptegen jáne 2019 jyldyń 1 qazanynan keshiktirmei tóleýge jatatyn salyqtar somasy (múlik salyǵy jáne jer salyǵy) týraly habarlamalar Qazaqstan Respýblikasynyń azamattaryna kommýnaldyq qyzmetterdi jetkizýshilerdiń kýrerlik qyzmeti arqyly da jiberildi. Sonymen qatar, habarlamalar Qazaqstan Respýblikasy Qarjy ministrligi Memlekettik kirister komitetiniń «Salyq tóleýshiler kabineti» qyzmetin paidalanýshylarǵa elektrondy túrde jiberildi.
Jeke tulǵalar kez-kelgen yńǵaily jolmen salyq tólei alady: ekinshi deńgeidegi bank bólimshelerinde nemese tólem terminaldarynda qolma-qol aqshamen, bankomattar men tólem terminaldarynda banktik kartalardy qoldana otyryp www.kgd.gov.kz saityndaǵy elektrondy qyzmetterdi paidalana otyryp.
Anyqtama úshin jeke tulǵalar biryńǵai bailanys ortalyǵynyń aqysyz nómirine - 1414 júgine alady.
