دەپۋتات مارحابات جايىمبەتوۆ پرەمەر-مينيستردٸڭ ورىنباسارى – مەدەنيەت جەنە اقپارات مينيسترٸ ايدا بالاەۆاعا بٸلٸم بەرۋ سالاسىنداعى جٷيەلٸ مەسەلەلەر تۋرالى دەپۋتاتتىق ساۋال جولدادى, دەپ حابارلايدى Dalanews.kz.
ونىڭ ايتۋىنشا, قازٸرگٸ مەكتەپ جٷيەسٸ بارلىق بالاعا ساپالى بٸلٸم بەرۋدە قيىندىققا تاپ بولىپ وتىر, بۇعان بٸرنەشە سەبەپ بار.
"بٸرٸنشٸدەن, شامادان تىس جٷكتەمە, قاعازباستىلىق, ينفراقۇرىلىمنىڭ تەڭسٸزدٸگٸ, سونداي-اق WhatsApp-تاعى چاتتار مەن تاپسىرمالاردىڭ كٶپتٸگٸ ۇستازدىڭ ۋاقىتىن الىپ, وقۋشىمەن جەكە جۇمىس ٸستەۋگە مٷمكٸندٸك بەرمەيدٸ. قالا مەن اۋىل اراسىنداعى الشاقتىق تا ايقىن: بٸر ايماقتا جاڭا مەكتەپتەر سالىنسا, باسقا ٶڭٸرلەردە ينتەرنەت پەن تەحنيكا جەتٸسپەيدٸ", - دەدٸ ول.
سونىمەن قاتار, دەپۋتاتتىڭ پٸكٸرٸنشە, بٸلٸمدەگٸ ولقىلىقتى تولتىرۋ ٷشٸن اتا-انالار بالالارىن رەپەتيتورعا بەرۋگە مەجبٷر.
"قازٸر رەپەتيتورلىققا سۇرانىس شامامەن 25 پايىزعا ٶسكەن. رەپەتيتور سەن ەمەس, قاجەتتٸلٸككە اينالدى. بٸراق وعان بارلىق وتباسىنىڭ مٷمكٸندٸگٸ بٸردەي ەمەس. وسىلايشا بٸلٸم تەڭسٸزدٸگٸ كٷشەيٸپ, ەلەۋمەتتٸك ەدٸلەتسٸزدٸك تەرەڭدەپ بارادى. ٷلكەن مەسەلە", - دەدٸ ول.
مارحابات جايىمبەتوۆتٸڭ سٶزٸنشە, بٸلٸم ساپاسى تٸكەلەي ۇستازعا بايلانىستى.
"قازٸر قاعازباستىلىقتى جويامىز دەپ بارلىق قىزمەتتٸ تسيفرلاندىرۋ پروتسەسٸ جٷرٸپ جاتىر. ونىڭ ٸشٸندە پەداگوگتەردٸڭ اتتەستاتسيياسى مەن جۇمىسقا قابىلداۋ رەسٸمدەرٸ دە بار. بۇل, ەرينە, تيٸمدٸ كٶرٸنۋٸ مٷمكٸن, الايدا ەلەكترون فورماتتا ٶتكٸزٸلگەنٸمەن, كٶبٸنە سكانەرلەنگەن قۇجاتتارمەن شەكتەلەدٸ. ال مۇنداي قۇجاتتاردىڭ شىنايىلىعى بٶلەك مەسەلە. وسى ورايدا بۇل ەكٸ رەسٸمدە دە ادامنىڭ جەكە تۇلعالىق قاسيەتتەرٸ مەن مامان رەتٸندەگٸ شىنايى قۇزىرەتتٸلٸگٸن تولىق باعالاۋ قيىن. سوندىقتان بالاعا بٸلٸم مەن تەربيە بەرۋ نەگٸزگٸ ماقسات ەكەنٸن ەسكەرە وتىرىپ, بۇل رەسٸمدەرگە "ەڭگٸمەلەسۋ" نەمەسە "ساباق بەرۋ" كەزەڭٸن قوسۋ ورىندى", - دەدٸ دەپۋتات.
