مەجٸلٸس دەپۋتاتى اسحات ايماعامبەتوۆ ۇستازداردى قورعايتىن جاڭا زاڭ دايىندالعانىن مەلٸمدەدٸ, دەپ حابارلايدى Dalanews.kz.
"مۇعالٸم موبيلوگراف, بلوگەر, كٷزەتشٸ نەمەسە چات مودەراتورى بولماۋى كەرەك. ونىڭ باستى جۇمىسى – بالانى وقىتۋ. بۇل تۋرالى مەملەكەت باسشىسى تاعى دا باسا ايتتى. بٸز, دەپۋتاتتار, "پەداگوگ مەرتەبەسٸ تۋرالى" زاڭعا تٷزەتۋلەر ەزٸرلەپ, ٷكٸمەتكە جولدادىق", - دەدٸ ول.
دەپۋتات بٸرقاتار ٶزگەرٸستٸ اتاپ ٶتتٸ:
- "ەسەپپەن كٷرەس: قايتالاناتىن ەسەپكە توقتاۋ. قاعاز با, تسيفر ما – بٸرەۋٸن عانا تولتىرۋ. سونىمەن قاتار, "بٸر رەت بٸر جٷيەگە ەنگٸزدٸڭ بە, جەتەدٸ": كٷندەلٸك نەمەسە نوبد نەمەسە Bilimland-تٸڭ بٸرەۋٸنە عانا ەنگٸزٸلگەن دەرەك بٸرنەشە جٷيەدە قايتالانباۋعا تيٸس.
- Instagram / Facebook تەك قالاۋىمەن, مۇعالٸمدٸ پوست جازۋعا نەمەسە بلوگ جٷرگٸزۋگە مەجبٷرلەۋگە بولمايدى. بۇل تەك ەركٸمەن جاسالادى. چاتتار مەن حابارلامالار تەك رەسمي LMS جٷيەلەرٸ مەن ەلەكترون پوشتادا. مۇعالٸم تەۋلٸك بويى چاتتاردا ارپالىسىپ وتىراتىن مودەراتور ەمەس.
- جاۋاپكەرشٸلٸكتٸڭ ايقىن شەگٸ: مەكتەپتەن تىس جاعدايعا مۇعالٸم جاۋاپ بەرمەيدٸ. ول كٷزەتشٸ دە, دەتەكتيۆ تە ەمەس. بۇعان قوسا بٸز "مۇعالٸمگە تەن ەمەس فۋنكتسييالار" دەگەن تٷسٸنٸكتٸ زاڭدا العاش رەت انىق جازدىق. سوندا ناقتى قورعانۋ وڭايىراق بولادى. ول – زاڭدار مەن ەڭبەك تۋرالى كەلٸسٸمشارتتا كٶرسەتٸلمەگەن جۇمىستىڭ بەرٸ.
- مەكتەپ – اتا-انا كەلٸسٸمٸ: مەكتەپ پەن اتا-انا اراسىنداعى كەلٸسٸمنٸڭ مەرتەبەسٸ كٷشەيەدٸ. تەربيە – ورتاق ٸس. بار اۋىرتپالىق مۇعالٸمگە عانا تٷسپەۋگە تيٸس. ەندٸ اتا-انالار مەن مەكتەپ وسى كەلٸسٸمشارتتى قاتاڭ ۇستانۋعا مٸندەتتٸ بولادى.
- شىنايى قورعانىس: پەداگوگ مەرتەبەسٸن بۇزعانى ٷشٸن ايىپپۇلدار كٷرت ٶسەدٸ".
ايماعامبەتوۆتٸڭ سٶزٸنشە, دەپۋتاتتار ەزٸرگە وسى باعىتتا رەسمي قورىتىندى كٷتٸپ وتىر.
