"Мұғалім мобилограф, блогер, күзетші немесе чат модераторы болмауы керек. Оның басты жұмысы – баланы оқыту. Бұл туралы Мемлекет басшысы тағы да баса айтты. Біз, депутаттар, "Педагог мәртебесі туралы" заңға түзетулер әзірлеп, Үкіметке жолдадық", - деді ол.

Депутат бірқатар өзгерісті атап өтті:

• "Есеппен күрес: қайталанатын есепке тоқтау. Қағаз ба, цифр ма – біреуін ғана толтыру. Сонымен қатар, "Бір рет бір жүйеге енгіздің бе, жетеді": Күнделік немесе НОБД немесе Bilimland-тің біреуіне ғана енгізілген дерек бірнеше жүйеде қайталанбауға тиіс.
• Instagram / Facebook тек қалауымен, мұғалімді пост жазуға немесе блог жүргізуге мәжбүрлеуге болмайды. Бұл тек еркімен жасалады. Чаттар мен хабарламалар тек ресми LMS жүйелері мен электрон поштада. Мұғалім тәулік бойы чаттарда арпалысып отыратын модератор емес.
• Жауапкершіліктің айқын шегі: мектептен тыс жағдайға мұғалім жауап бермейді. Ол күзетші де, детектив те емес. Бұған қоса біз "Мұғалімге тән емес функциялар" деген түсінікті заңда алғаш рет анық жаздық. Сонда нақты қорғану оңайырақ болады. Ол – заңдар мен еңбек туралы келісімшартта көрсетілмеген жұмыстың бәрі.
• Мектеп – ата-ана келісімі: мектеп пен ата-ана арасындағы келісімнің мәртебесі күшейеді. Тәрбие – ортақ іс. Бар ауыртпалық мұғалімге ғана түспеуге тиіс. Енді ата-аналар мен мектеп осы келісімшартты қатаң ұстануға міндетті болады.  
• Шынайы қорғаныс: педагог мәртебесін бұзғаны үшін айыппұлдар күрт өседі".

Аймағамбетовтің сөзінше, депутаттар әзірге осы бағытта ресми қорытынды күтіп отыр.