مٷفتييات جانات باقىتتىڭ سٶزٸنەن ساق بولۋعا شاقىردى (ۆيدەو)
ەلەۋمەتتٸك جەلٸدەگٸ جانات باقىت دەگەن جۋرناليستٸڭ اللا تاعالا تۋرالى ايتقان اۋىر سٶزدەرٸ مۇسىلماندار اراسىندا تٷسٸنٸسپەۋشٸلٸك تۋدىردى. وسى ورايدا قازاقستان مۇسىلماندارى دٸني باسقارماسىنا ەر ٶڭٸردەن تٷرلٸ پٸكٸر, نارازىلىق بٸلدٸرگەن حاتتار كەلٸپ جاتىر, -دەدٸ قمبد تٶراعاسىنىڭ ورىنباسارى, نايب مٷفتي ەرشات وڭعار.
نايب مٷفتي شاريعاتتا اللانىڭ اتىنان جالعان سٶيلەۋ, ٶتە اۋىر كٷنە ەكەنٸن ايتتى.
اللا تاعالا قاسيەتتٸ قۇراننىڭ ەن'ام سٷرەسٸنٸڭ 144-اياتىندا «ادامداردى ناداندىقپەن اداستىرۋ ٷشٸن اللانىڭ اتىنان جالعاندى جالپاعىنان باساتىن پەندەدەن ٶتكەن زالىم بار ما?» دەپ بايانداعان. اللا ساقتاسىن, قۇداي اتىنان جالعان سٶيلەۋدەن اۋىر ٸس جوق. ەسٸرەسە, رامازان ايىندا وسىنداي كەلەڭسٸز سٶزدٸ ايتۋ مەن ٷشٸن دە اۋىر, - دەدٸ ول.
ەرشات وڭعار حالىق تاراپىنان سۇراق جيٸ قويىلىپ, نارازىلىق بٸلدٸرٸپ جاتقاننان كەيٸن مٷفتييات اتىنان رەسمي مەلٸمدەمە جاساۋعا مەجبٷر بولىپ وتىرعانىن ايتتى.
حەكٸم اباي «اللا تاعالا - ٶلشەۋسٸز, بٸزدٸڭ اقىلىمىز - ٶلشەۋلٸ. ٶلشەۋلٸمەن ٶلشەۋسٸزدٸ بٸلۋگە بولمايدى» دەپ ايتقان. وسى رەتتە بارشا مۇسىلمان قاۋىمىن, بارشا وتانداسىمىزدى جۋرناليست جانات باقىتتىڭ سٶزٸنە ەرٸپ, دەستٷرلٸ سەنٸمٸمٸزگە سەلكەك تٷسٸرٸپ, ەل ٸشٸندە ارانداتۋشىلىق تۋدىرۋدان ساق بولۋعا شاقىرامىز. قاسيەتتٸ رامازان ايىندا مۇنداي اۋىر سٶز ايتىپ, ەل ٸشٸندە نارازىلىق تۋدىرىپ الۋدان ساق بولايىق. تۇتقان ورازا قابىل بولسىن. ەلٸمٸز امان, جۇرتىمىز تىنىش بولسىن. اللا تاعالا تەۋەلسٸزدٸگٸمٸزدٸ باياندى ەتسٸن, - دەدٸ ەرشات وڭعار.
https://youtu.be/7ZyRKLEaS5k
