Múftiiat Janat Baqyttyń sózinen saq bolýǵa shaqyrdy (video)
Áleýmettik jelidegi Janat Baqyt degen jýrnalistiń Alla taǵala týraly aitqan aýyr sózderi musylmandar arasynda túsinispeýshilik týdyrdy. Osy oraida Qazaqstan musylmandary dini basqarmasyna ár óńirden túrli pikir, narazylyq bildirgen hattar kelip jatyr, -dedi QMBD tóraǵasynyń orynbasary, naib múfti Ershat Ońǵar.
Naib múfti shariǵatta Allanyń atynan jalǵan sóileý, óte aýyr kúná ekenin aitty.
Alla taǵala qasietti Qurannyń Án'am súresiniń 144-aiatynda «Adamdardy nadandyqpen adastyrý úshin Allanyń atynan jalǵandy jalpaǵynan basatyn pendeden ótken zalym bar ma?» dep baiandaǵan. Alla saqtasyn, Qudai atynan jalǵan sóileýden aýyr is joq. Ásirese, Ramazan aiynda osyndai keleńsiz sózdi aitý men úshin de aýyr, - dedi ol.
Ershat Ońǵar halyq tarapynan suraq jii qoiylyp, narazylyq bildirip jatqannan keiin múftiiat atynan resmi málimdeme jasaýǵa májbúr bolyp otyrǵanyn aitty.
Hákim Abai «Alla taǵala - ólsheýsiz, bizdiń aqylymyz - ólsheýli. Ólsheýlimen ólsheýsizdi bilýge bolmaidy» dep aitqan. Osy rette barsha musylman qaýymyn, barsha otandasymyzdy jýrnalist Janat Baqyttyń sózine erip, dástúrli senimimizge selkek túsirip, el ishinde arandatýshylyq týdyrýdan saq bolýǵa shaqyramyz. Qasietti Ramazan aiynda mundai aýyr sóz aityp, el ishinde narazylyq týdyryp alýdan saq bolaiyq. Tutqan oraza qabyl bolsyn. Elimiz aman, jurtymyz tynysh bolsyn. Alla taǵala táýelsizdigimizdi baiandy etsin, - dedi Ershat Ońǵar.
https://youtu.be/7ZyRKLEaS5k
