الماتىداعى موپەد جٷرگٸزۋشٸلەرٸنٸڭ 95%-ى نٶمٸر مەن جٷرگٸزۋشٸ كۋەلٸگٸن الدى, – دەپ حابارلايدى Dalanews.kz.
جاڭا زاڭ كٷشٸنە ەنگەننەن كەيٸن الماتىداعى موپەدكە بايلانىستى مەسەلە قالپىنا كەلگەن. رەسمي اقپاراتقا قاراعاندا, قازٸر موپەد ايدايتىنداردىڭ 95%-ى كٶلٸگٸن تٸركەۋدەن ٶتكٸزٸپ, جٷرگٸزۋشٸ كۋەلٸگٸن الىپ ٷلگەرگەن. سوندىقتان موپەدٸن نٶمٸرسٸز جٷرگٸزەتٸندەر بۇرىنعىداي ەمەس, سايابىرسىپتى.
"2025 جىلدىڭ 5 سەۋٸرٸنەن باستاپ كٷشٸنە ەنگەن جاڭا زاڭعا بايلانىستى موپەدتەردٸڭ بارلىعى تٸركەۋدەن ٶتٸپ, مەملەكەتتٸك نٶمٸر, تەحپاسپورت, ساقتاندىرۋ پوليسٸن الۋعا تيٸس بولاتىن. ەندٸ ارناۋلى كۋەلٸگٸڭٸز بولسا عانا موپەدتٸ جٷرگٸزە الاسىز, ونسىز بولمايدى", - دەيدٸ سالتانات ەزٸربەك.
ەڭ كٶپ كەزدەسەتٸن زاڭ بۇزۋشىلىق:
- جول بەلگٸلەرٸنٸڭ تالابىن ەلەمەۋ;
- تۇتاس جولاقتى كەسٸپ ٶتۋ;
- جولاقتى اۋىستىرعاندا تۇتاس سىزىقتى كەسٸپ ٶتۋ;
- كٶزدٸ قارىقتىراتىن شام, تالاپقا ساي كەلمەيتٸن دىبىس بەسەڭدەتكٸش سيياقتى قۇرال-سايماندار سالىپ الۋ.
"جٷرگٸزۋشٸلەردٸڭ كٶبٸ شامىن اۋىستىرار كەزدە زاۋىتتان شىققان شامى جٶندٸ جارقىرامايدى دەگەندەي ۋەج ايتادى. بٸراق ارناۋلى رۇقسات بولماسا, شام مەن ٶزگە دە قۇرال-سايماندى ٶز بەتٸنشە سالا بەرۋگە تاعى بولمايدى", - دەپ ەسكەرتتٸ دەپارتامەنت ٶكٸلٸ.
5 سەۋٸردەن بەرٸ زاڭ بۇزعان وسىنداي 5000 موپەدتٸڭ يەسٸ ەكٸمشٸلٸك جاۋاپقا تارتىلىپ, 2000 كٶلٸك ايىپ تۇراعىنا قويىلعان.
ەكٸمشٸلٸك پوليتسييانىڭ اقپاراتى بويىنشا وسى ۋاقىتقا دەيٸن الماتىدا 15 مىڭنان اسا موپەد تٸركەلٸپتٸ.
موپەد جٷرگٸزەتٸندەردٸڭ كٶبٸ كۋرەر بولىپ ٸستەيتٸن شەتەلدٸك ازاماتتار ەكەنٸن دە ايتىپ وتىر پوليتسييا قىزمەتٸ.
