قازاقستاندا تابيعي مونوپوليا سۋبەكتىلەرىنە قاتىستى 535 اكىمشىلىك ءىس قوزعالدى. جالپى ايىپپۇل كولەمى 922،9 ملن تەڭگە بولدى، ونىڭ 626،9 ملن تەڭگەسى وندىرىلگەن، دەپ حابارلايدى Dalanews.kz.

ەڭ كوپ ايىپپۇل سالىنعان وڭىرلەر:

– شىمكەنت – 368،8 ملن تەڭگە
– الماتى – 76،5 ملن تەڭگە
– قاراعاندى وبلىسى – 56،1 ملن تەڭگە

ۆەدومستۆو مالىمەتىنشە، ايىپپۇلداردىڭ باسىم بولىگى تاريفتىك سمەتانى ورىنداماۋ جانە ينۆەستيسيالىق باعدارلامالاردى ساقتاماۋ فاكتىلەرىنە بايلانىستى سالىنعان. سونىمەن قاتار تۇتىنۋشىلاردىڭ قۇقىقتارىن بۇزۋ، رەتتەلەتىن قىزمەتتەرگە قولجەتىمدىلىكتى شەكتەۋ جانە ەسەپتى ۋاقىتىندا تاپسىرماۋ جاعدايلارى دا انىقتالعان.

بۇل تۋرالى ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ ءتوراعاسى تيمۋر قوسىمبايەۆ مالىمدەدى.