مولدوۆا ٷكٸمەتٸ تەۋەلسٸز مەملەكەتتەر دوستاستىعىن (تمد) قۇرۋ تۋرالى كەلٸسٸمدٸ جەنە ۇيىمنىڭ جارعىسىن دەنونساتسييالاۋ جٶنٸندەگٸ زاڭ جوبالارىن ماقۇلدادى. بۇل تۋرالى ٷكٸمەتتٸڭ باسپاسٶز قىزمەتٸ «ينتەرفاكسقا» حابارلادى, دەپ حابارلايدى Dalanews.kz.
ٷكٸمەت وسى شەشٸم ارقىلى مولدوۆا تمد-نىڭ جارعىلىق ورگاندارىنان تولىق شىعۋ رەسٸمٸن باستادى دەپ تٷسٸندٸردٸ. رەسمي كيشينەۆ بۇل قادامدى ۇيىمنىڭ قۇندىلىقتارى مەن نەگٸزگٸ قاعيداتتارى ساقتالماي وتىرعانىمەن تٷسٸندٸرەدٸ. ەسٸرەسە, مولدوۆا بيلٸگٸنٸڭ پٸكٸرٸنشە, بۇل تالاپتاردى تمد-نى قۇرۋعا باستاماشى بولعان رەسەي فەدەراتسيياسى ورىنداماي وتىر.
مولدوۆا سىرتقى ٸستەر مينيسترلٸگٸ قاۋلى جوباسىنا جازىلعان تٷسٸندٸرمە حاتتا تمد قۇرۋ تۋرالى كەلٸسٸمنٸڭ 5-بابىنا سەيكەس مەملەكەتتەر بٸر-بٸرٸنٸڭ اۋماقتىق تۇتاستىعىن جەنە قولدانىستاعى شەكارالاردىڭ مىزعىماستىعىن مويىنداپ, قۇرمەتتەۋگە مٸندەتتٸ ەكەنٸ ايتىلعانىن ەسكە سالدى.
الايدا ۆەدومستۆونىڭ مەلٸمەتٸنشە, تمد-نىڭ نەگٸزٸندە جاتقان بۇل قاعيدا رەسەي تاراپىنان ساقتالماي وتىر.
مولدوۆا سٸم-ٸ تمد كەلٸسٸمٸن دەنونساتسييالاۋ ەلدٸڭ ەۋروپالىق وداققا قوسىلۋ ٷدەرٸسٸ اياسىنداعى «تابيعي ەرٸ سٶزسٸز قادام» ەكەنٸن اتاپ ٶتتٸ.
سونىمەن قاتار مولدوۆا بيلٸگٸ بۇل شەشٸم ازاماتتاردىڭ تمد ەلدەرٸندەگٸ ەركٸن جٷرٸپ-تۇرۋىنا ەسەر ەتپەيدٸ دەپ ٷمٸتتەنەدٸ. سەبەبٸ بۇل مەسەلە كٶبٸنە ەكٸجاقتى كەلٸسٸمدەر ارقىلى رەتتەلەدٸ.
ٷكٸمەت ماقۇلداعان زاڭ جوبالارى ەندٸ پارلامەنتتٸڭ قاراۋىنا جٸبەرٸلەدٸ.
