ەلەۋمەتتٸك جەلٸدە استانالىق تۇرعىن 12 شٸلدە كٷنٸ «استانا» – «اقتٶبە» فۋتبول ماتچىنان كەيٸن ٶزٸن جەنە اعاسىن پوليتسييا قىزمەتكەرلەرٸ سوققىعا جىققانىن مەلٸمدەدٸ, دەپ حابارلايدى dalanews.kz.
ونىڭ ايتۋىنشا, وقيعا «استانا ارەنا» ستاديونىنىڭ ماڭىندا بولعان.
«ماتچتان كەيٸن "استانا ارەنا" ماڭىندا پوليتسييانىڭ ارنايى جاساعى (سوبر) ەش سەبەپسٸز مەنٸ جەنە اعامدى قارىنداستارىمىزدىڭ كٶزٸنشە اياۋسىز ۇرىپ-سوقتى. ٶزدەرٸن تانىستىرماستان بٸزدٸ ۇستاپ الىپ, قىزمەتتٸك "گازەل" كٶلٸگٸنە كٷشتەپ وتىرعىزدى. توعىز ادام جابىلىپ, باستان قولمەن دە, ارنايى اياق كيٸممەن دە سوققى جاسادى. كەيٸن جارتى ساعاتتاي كٶلٸكتٸڭ ٸشٸندە ۇستاپ, ولاردىڭ جٷزدەرٸ كٶرٸنگەن ۆيدەولاردى كٷشتەپ ٶشٸرتتٸ», – دەپ جازدى تۇرعىن.
ول وقيعادان كەيٸن بٸردەن اۋرۋحاناعا جٷگٸنگەندەرٸن, دەرٸگەرلەر دەنەلەرٸندەگٸ كٶپتەگەن جاراقاتتى تٸركەپ, جابىق باس-مي جاراقاتى مەن مي شايقالۋى دياگنوزىن قويعانىن ايتتى. سونداي-اق, ونىڭ سٶزٸنشە, اقىلى نەگٸزدە سوت-مەديتسينالىق ساراپتاما جاساتقان. الايدا استانا قالاسى پوليتسييا دەپارتامەنتٸنٸڭ ٸشكٸ قاۋٸپسٸزدٸك قىزمەتٸ قىلمىستىق ٸس قوزعاۋدان باس تارتىپ, تەك قىزمەتتٸك تەكسەرۋ جٷرگٸزٸلەتٸنٸن حابارلاعان. جازبا اۆتورى 12 شٸلدە كٷنٸ كەشكە «استانا ارەنا» ماڭىندا بولعان, وقيعانى ۆيدەوعا نەمەسە فوتوعا تٷسٸرگەن ازاماتتاردان ٶزٸمەن بايلانىسقا شىعۋدى سۇرادى.
ال استانا قالاسىنىڭ پوليتسييا دەپارتامەنتٸ بۇل وقيعاعا قاتىستى تٷسٸنٸكتەمە بەردٸ. ۆەدومستۆو مەلٸمەتٸنشە, پرەمەر-ليگاداعى «استانا» – «اقتٶبە» ماتچى كەزٸندە بٸر توپ جانكٷيەر ٶزٸن اگرەسسيۆتٸ ۇستاعان.
«ولار بىلاپىت سٶزدەر ايتىپ, قارسىلاس كوماندانىڭ جانكٷيەرلەرٸن ارانداتقان جەنە ەدەپسٸز قيمىلدار كٶرسەتكەن. وقيعاعا قاتىسۋشىلاردىڭ بٸرٸ قارسىلاس كوماندانىڭ تۋىن اياعىنا بايلاپ العان», – دەلٸنگەن پوليتسييانىڭ حابارلاماسىندا.
پوليتسييا قوعامدىق تەرتٸپتٸ ساقتاۋ جەنە جانجالدىڭ الدىن الۋ ماقساتىندا وقيعاعا دەر كەزٸندە ارالاسقانىن مەلٸمدەدٸ. قاتىسۋشىلار قىزمەتتٸك اۆتوبۋسقا جەتكٸزٸلٸپ, كەيٸن بوساتىلعان.
سونىمەن قاتار, اتالعان دەرەك بويىنشا قىزمەتتٸك تەكسەرۋ تاعايىندالعان.
«قىزمەتتٸك تەكسەرۋ قورىتىندىسى بويىنشا وقيعاعا قاتىستى بارلىق تۇلعانىڭ ەرەكەتٸنە قولدانىستاعى زاڭناماعا سەيكەس قۇقىقتىق باعا بەرٸلەدٸ», – دەپ حابارلادى استانا قالاسىنىڭ پوليتسييا دەپارتامەنتٸ.
