ق ر اۋىل شارۋاشىلىعى ءمينيسترى اسقار مىرزاحمەتوۆ نەگىزگى استىق ەگەتىن وڭىرلەردىڭ  اۋىل شارۋاشىلىعى نىساندارىن ارالاپ، اۋىل شارۋاشىلىعى تاۋار وندىرۋشىلەرىمەن كەزدەستى.

ءىسساپار اقمولا وبلىسىندا ورنالاسقان «ەڭبەك» ءجشس-نىڭ القاپتارىن ارالاۋدان باستالدى.

رەسپۋبليكاداعى كوكتەمگى ەگىس اۋماعى 18،4 ملن.گا دەڭگەيدە بولجانۋدا. اعىمداعى جىلدىڭ 26 مامىرداعى جاعداي بويىنشا رەسپۋبليكادا ءداندى داقىلدار 9،4 ملن. گا، مايلى داقىلدار – 1،6 ملن. گا، كوپجىلدىق وسىمدىكتەر – 261 مىڭ. گا، كوكونىس-باقشا داقىلدارى – 200،6 مىڭ.گا، كارتوپ – 166،8 مىڭ.گا، قانت قىزىلشاسى – 10،9 مىڭ.گاجانە ماقتا وسىمدىگى – 105 مىڭ. گا القاپتا ەگىلدى.

كوكتەمگى ەگىس جۇمىستارىن جۇرگىزۋدى قارجىلاندىرۋعا ەكىنشى دەڭگەيلى بانكتەر مەن «كازاگرو» حولدينگىنىڭ ەنشىلەس ۇيىمدارى ارقىلى 60 ملرد. تەڭگە بيۋدجەتتىك نەسيە ءبولىندى. وسى جىلدىڭ 20 مامىرىنا دەيىن «اگرارلىق نەسيە كورپوراسياسى» اق ارقىلى 36 ملرد. تەڭگە،«ازىق-تۇلىك كەلىسىم شارت» اق ارقىلى فورۆاردتىق استىق ساتىپ الۋعا – 9،8 ملرد. تەڭگە  جانە ەدب ارقىلى - 1،4 ملرد.تەڭگەكولەمىندە قارجىلاندىرۋ ىسكە اسىرىلدى.

ءمينيستردىڭ جۇمىس ساپارى سولتۇستىك قازاقستان وبلىسىنىڭ «پەتەرفەلد اگرو» ي كت «زەنچەنكو ي ك» شارۋاشىلىقتارىن ارالاۋمەن جالعاستى.

اوك مەملەكەتتىك ينسپەكسياسى كوميتەتىنىڭ مالىمەتىنە ساي سقو قولداعى باس استىقتىڭ كولەمى 2022،9 مىڭ توننانى قۇرايدى. ليسەنزيالانعان استىق ساقتاۋ قويمالارىندا 753،9 مىڭ توننا، اۋىل شارۋاشىلىعى تاۋار وندىرۋشىلەرىندە 1261،36 مىڭ توننا، ديىرمەن زاۋىتتارىندا 7 مىڭ توننادان اسا استىق بار.

جەر رەفورماسىنا قاتىستى سۇراقتاردى ءتۇسىندىرۋ ءۇشىن مينيستر وبلىستىڭ قوعامدىق كەڭەس وكىلدەرىمەن كەزدەستى. مينيستر  ارنايى قۇرىلعان رەسپۋبليكالىق جۇمىس كوميسسياسىمەن ازىرلەنگەن ۇسىنىستاردى بۇقارا اراسىندا جان-جاقتى ءتۇسىندىرۋدىڭ ماڭىزدىلىعىن اتاپ ءوتتى.

ءىسساپاردىڭ ەكىنشى كۇنى قوستاناي وبلىسىنىڭ اۋىل شارۋاشىلىعى القاپتارىن ارالاۋمەن جالعاستى. ايماقتا ەگىس ناۋقانى ءجۇرىپ جاتىر. وسى جىلى وڭىردە اۋىل شارۋاشىلىعى داقىلدارى 5155،4 مىڭ.گەكتار، ونىڭ ىشىندە ءداندى جانە ءداندى-بۇرشاقتى داقىلدار 4107 مىڭ. گا جەردى قامتىدى.

سونىمەن قاتار، جەرگىلىكتى اتقارۋشى ورگاندارمەن 2016 جىلى مينەرالدى تىڭايتقىشتاردىڭ باعاسىن ارزانداتۋعا 14،5 ملرد.تەڭگە قاراستىرىلعان بولسا، ال قوستاناي وبلىسىمەن اتالمىش باعىتقا 4 ملرد.تەڭگە بولىنگەن.

ماركەتينگتىك جىل باسىنان باستاپ ( 2015 جىلدىڭ 1 شىلدەسىنەن) 2016 جىلدىڭ 26 مامىرداعى جاعداي بويىنشا ۇندى قوسا ەسەپتەگەندە ەكسپورتقا 7،6 ملن توننا استىق جونەلتىلدى، ونىڭ ىشىندە استىق – 4،9 ملن. تونن، ۇن -1،8 ملن. توننا، مۇنىمەن استىقتىڭ ەكسپورتتىق الەۋەتى 92،5 %-عا ورىندالىپ وتىر.