سونىمەن قاتار، ورتالىق ازيا بويىنشا وبلىس اكىمىنىڭ باستاماسىمەن اۋدانىمىزدا تۇڭعىش رەت «قاۋىن فەست» وبلىستىق فەستيۆالى ۇيىمداستىرىلدى. فەستيۆالگە وبلىستىڭ 8 اۋدان، قالالارىنان قاۋىن-قاربىز ەگۋمەن اينالىساتىن شارۋالار قاۋىننىڭ 27 تۇرىنەن وندىرىلگەن ءونىم كورمەسى وتكىزىلدى. اتالعان فەستيۆالدىڭ ماقساتى – ءىرى شارۋ قوجالىقتارىن تارتا وتىرىپ، قاۋىننىڭ 27 تۇرىنەن وندىرىلەتىن ونىمدەردى (قاۋىن قۇرت، قاۋىن شىرىنى، قاۋىنقاق، قاۋىن-قاربىز توسابى جانە ت.ب) سىرتقا ەكسپورتتاۋ.
سونداي-اق، قاراشا ايىندا اۋدانىمىزدا جەتىساي قالاسى كۇنى مەن «التىن كۇز-2018» ءىس-شاراسىندا جەتىساي اۋدانىنا قاراستى اۋىلدىق وكرۋگتەردىڭ اۋىل شارۋاشىلىق ونىمدەرىنىڭ كورمەسى قويىلدى. اتالعان شارا جاز بويى ەگىس دالاسىندا ەڭبەك ەتكەن ديحاندارعا كەرەمەت كۇزگى كوڭىل-كۇي سىيلادى.
