ق ر دەنساۋلىق ساقتاۋ مينيسترلىگىنىڭ رەسمي وكىلى ەرجان بايتانايەۆ سول مەرزىمگە دەيىن ەكپە الماعانداردى قانداي جازا كۇتىپ تۇرعانىن ايتتى، دەپ حابارلايدى Dalanews.kz Sputnik قازاقستان-عا سىلتەمە جاساپ.
ەكپە الماي قويعان جۇمىسشىلاردىڭ وزدەرىنە ايىپپۇل سالىنبايدى. ال ەكپە الماي جۇرگەن قىزمەتكەرىنىڭ جۇمىس ىستەۋىنە جول بەرگەن كاسىپكەرلەرگە ق ر اكىمشىلىك كودەكسىنىڭ 462-بابى (3-تارماعى) بويىنشا ايىپپۇل سالىنادى.
- جەكە تۇلعالار ءۇشىن – 5 اەك مولشەرىندە (14 585 تەڭگە)،
- لاۋازىمدى تۇلعالار ءۇشىن – 15 اەك مولشەرىندە (43 755 تەڭگە)،
- شاعىن كاسىپكەرلىك سۋبەكتىلەرى مەن كوممەرسيالىق ەمەس ۇيىمدار ءۇشىن – 100 اەك مولشەرىندە (291 700 تەڭگە)،
- ورتا بيزنەس ءۇشىن – 200 اەك مولشەرىندە (583 400 تەڭگە)،
- ءىرى كاسىپكەرلىك سۋبەكتىلەرى ءۇشىن – قىزمەتىن توقتاتۋمەن 500 اەك مولشەرىندە (458 500 تەڭگە).
ءبىر ادامدىق دارا كاسىپكەر قالاي جازالانادى؟
قول استىندا جۇمىسشىسى جوق شاشتاراز جەكە كاسىپ اشىپ، ءوزى جۇمىس ىستەسە، دسم وندايلارعا جەكە تۇلعا رەتىندە 5 اەك كولەمىندە ايىپپۇل سالۋ تۋرالى شەشىمگە كەلدى.
ۆاكسينالاۋدى تەكسەرۋ قاشان باستالادى؟
15 شىلدەدەن كەيىن ۆاكسينانىڭ ءبىرىنشى كومپونەنتى بويىنشا رەيدتىك تەكسەرۋلەر باستالادى، ال 15 تامىزدان كەيىن ەكى كومپونەنتپەن تولىق ەكپە العانداردى جاپپاي تەكسەرۋ باستالادى، دەدى ەرجان بايتانايەۆ.
بۇج جۇمىسقا اكىمدىكتەردىڭ مونيتورينگتىك توپتارى تارتىلادى.
