QR Densaýlyq saqtaý ministrliginiń resmi ókili Erjan Baitanaev sol merzimge deiin ekpe almaǵandardy qandai jaza kútip turǵanyn aitty, dep habarlaidy Dalanews.kz Sputnik Qazaqstan-ǵa silteme jasap.
Ekpe almai qoiǵan jumysshylardyń ózderine aiyppul salynbaidy. Al ekpe almai júrgen qyzmetkeriniń jumys isteýine jol bergen kásipkerlerge QR Ákimshilik kodeksiniń 462-baby (3-tarmaǵy) boiynsha aiyppul salynady.
- jeke tulǵalar úshin – 5 AEK mólsherinde (14 585 teńge),
- laýazymdy tulǵalar úshin – 15 AEK mólsherinde (43 755 teńge),
- shaǵyn kásipkerlik sýbektileri men kommertsiialyq emes uiymdar úshin – 100 AEK mólsherinde (291 700 teńge),
- orta biznes úshin – 200 AEK mólsherinde (583 400 teńge),
- iri kásipkerlik sýbektileri úshin – qyzmetin toqtatýmen 500 AEK mólsherinde (458 500 teńge).
Bir adamdyq Dara kásipker qalai jazalanady?
Qol astynda jumysshysy joq shashtaraz jeke kásip ashyp, ózi jumys istese, DSM ondailarǵa jeke tulǵa retinde 5 AEK kóleminde aiyppul salý týraly sheshimge keldi.
Vaktsinalaýdy tekserý qashan bastalady?
15 shildeden keiin vaktsinanyń birinshi komponenti boiynsha reidtik tekserýler bastalady, al 15 tamyzdan keiin eki komponentpen tolyq ekpe alǵandardy jappai tekserý bastalady, dedi Erjan Baitanaev.
Buj jumysqa ákimdikterdiń monitoringtik toptary tartylady.
