مەيرامبەك بەسبايەۆ جۋرناليستەر قاۋىمىنا ءجيى سۇحبات بەرمەۋىنىڭ سەبەبىن ءتۇسىندىردى. ءانشى ءتورتىنشى بيلىك وكىلدەرىنە رەنىشتى ەكەنىن جەتكىزدى. بۇل تۋرالى نتك ارناسىنىڭ «ريەۆيۋ» باعدارلاماسىندا ايتىلدى.

«وكپە-رەنىش دەپ ايتپاي-اق قويايىن، ءبىراق ءوزىم جىرتىڭ-جىرتىڭ ەتىپ شىعا بەرگەندى ۇناتپايمىن. كەيبىر جۋرناليستەرگە وكپەم بار، ارينە. ويتكەنى ايتقان نارسەڭدى بۇرمالايدى. ايتپاعان نارسەڭدى ايتتى دەپ ءوزىنىڭ پايداسىنا شەشەتىن، ءوزىنىڭ وبرازىمەن، ءوزىنىڭ ويىمەن مەنى كورسەتكىسى كەلەتىن بىرەڭ-ساراڭ جۋرناليستەر بار»، – دەپ ءتۇسىندىردى بەسبايەۆ.

ەسەسىنە ءانشىنىڭ ساحنالاس – دوسى ساكەن مايعازييەۆ قوعامدىق ومىرگە بەلسەندى تۇردە ارالاسادى. ءانشىنىڭ ايتۋىنشا، ونى «تەلەديداردان تۇسپەيدى» دەپ سوگەتىندەر كوپ. الايدا مايعازييەۆ «ول مەن شاقىرىلاتىن باعدارلامالاردىڭ جارتىسى عانا» دەيدى.

«مەن شاقىرىلىپ جۇرگەن باعدارلامالاردىڭ ارى كەتسە 50%-نا قاتىسىپ جۇرگەن شىعارمىن. قانشاسىنان باس تارتامىن. ويتكەنى قوعامدىق ماسەلەلەر بولعاننان كەيىن، ەلدىڭ الدىندا جۇرگەننەن كەيىن ەشكىمنەن قاشاتىن ويىم جوق. ءجۇزىم جارىق. ماعان قاتىستى دۇنيەلەر بولسا جاۋاپ بەرۋدەن تايسالمايمىن. جۇرت مەنى تەلەديداردان تۇسپەيدى دەپ ويلايدى. كەرىسىنشە كوبىنەن قاشقاقتاپ تۇسكەن ءتۇرىم سول»، – دەدى ول.

دەرەككوزى: stan.kz