Meırambek Besbaev jýrnalıser qaýymyna jıi suhbat bermeýiniń sebebin túsindirdi. Ánshi tórtinshi bılik ókilderine renishti ekenin jetkizdi. Bul týraly NTK arnasynyń «Revú» baǵdarlamasynda aıtyldy.

«Ókpe-renish dep aıtpaı-aq qoıaıyn, biraq ózim jyrtyń-jyrtyń etip shyǵa bergendi unatpaımyn. Keıbir jýrnalıserge ókpem bar, árıne. Óıtkeni aıtqan nárseńdi burmalaıdy. Aıtpaǵan nárseńdi aıtty dep óziniń paıdasyna sheshetin, óziniń obrazymen, óziniń oıymen meni kórsetkisi keletin bireń-sarań jýrnalıser bar», – dep túsindirdi Besbaev.

Esesine ánshiniń sahnalas – dosy Sáken Maıǵazıev qoǵamdyq ómirge belsendi túrde aralasady. Ánshiniń aıtýynsha, ony «teledıdardan túspeıdi» dep sógetinder kóp. Alaıda Maıǵazıev «ol men shaqyrylatyn baǵdarlamalardyń jartysy ǵana» deıdi.

«Men shaqyrylyp júrgen baǵdarlamalardyń ary ketse 50%-na qatysyp júrgen shyǵarmyn. Qanshasynan bas tartamyn. Óıtkeni qoǵamdyq máseleler bolǵannan keıin, eldiń aldynda júrgennen keıin eshkimnen qashatyn oıym joq. Júzim jaryq. Maǵan qatysty dúnıeler bolsa jaýap berýden taısalmaımyn. Jurt meni teledıdardan túspeıdi dep oılaıdy. Kerisinshe kóbinen qashqaqtap túsken túrim sol», – dedi ol.

Derekkózi: stan.kz