مەرۋەرت تۇسىپبايەۆا جالعان اقپاراتتىڭ كەسىرىنەن تۇرمىسقا شىقپاي قالاتىن بولدىم دەپ كۇيىندى. ءانشىنىڭ ايتۋىنشا، وتاندىق باسىلىمداردىڭ ءبىرى ونى تۇرمىسقا شىعارىپ قويعان. ءدال وسى سەبەپتى انشىدە كوڭىلى بار ازاماتتار ۇيلەنۋدەن اينىپ قالۋى مۇمكىن.

وتكەن اپتادا ءبىرقاتار وتاندىق باسىلىمدار مەرۋەرت تۇسىپبايەۆانى “تۇرمىسقا شىعارىپ” قويعان. وعان سەبەپ مىنا سۋرەت.

تۇسىپبايەۆا بۇل سۋرەتتى جەكسەنبى كۇنى سالعان. “جەكسەنبىلىك كەش” دەپ اتالاتىن سۋرەتتە ەسىمى بەلگىسىز ازامات مەرۋەرت تۇسىپبايەۆاعا اس ازىرلەپ جاتقانعا ۇقسايدى. سول سەبەپتى ەلدىڭ ءبارى ونى تۇسىپبايەۆانىڭ تاڭداۋى تۇسكەن ازامات دەپ قالدى. الايدا ءانشىنىڭ ءوزى مۇنى جوققا شىعاردى.

“مەن نە دەپ سالدىم؟ كۇيەۋگە ءتيدىم دەدىم بە؟ جەكسەنبىلىك كەش دەپ جازدىم بولدى. ول مەنىڭ باۋىرىم، كورشىم نە تۋىسىم شىعار، ءتىپتى دوس قىزىمنىڭ جۇبايى شىعار. مەن جاي عانا سول فوتونى جارتى ساعاتتان كەيىن الىپ تاستاۋعا ءماجبۇر بولدىم”، – دەيدى مەرۋەرت تۇسىپبايەۆا.

وسىلاي دەگەنىنە قاراماستان، تۇسىپبايەۆا اس ازىرلەپ تۇرعان ازاماتتىڭ كىم ەكەنىن جاسىرىپ قالدى.

“مەن ايتپايمىن. ءبىر جاقسى، تاماشا ادام. جاڭا ماقپال ءجۇنىسوۆا اپايىم: “كۇيەۋگە ءتيىپسىڭ عوي”، – دەدى. مەن شىنىمدى ايتامىن، تيگەن جوقپىن. مەنى سىرتىمنان تون ءپىشىپ، شىعارىپ قويىپتى دەدىم”، – دەدى ول اعىنان جارىلىپ.

ءانشى جالعان اقپارات تاراتقان ب ا ق قۇرالدارىنا رەنىشىن جەتكىزدى.

“الام دەپ جۇرگەن ادامدار تۋۋ ءتيىپ قويىپتى، ۇيلەنبەي-اق قويايىق دەيتىن بولدى عوي. قالاتىن بولدىم ەندى، ەشكىمگە تيمەي”، – دەيدى ءانشى كۇلىپ.

دەرەككوزى: stan.kz