Ótken aptada birqatar otandyq basylymdar Merýert Túsipbaevany “turmysqa shyǵaryp” qoıǵan. Oǵan sebep myna sýret.
Túsipbaeva bul sýretti jeksenbi kúni salǵan. “Jeksenbilik kesh” dep atalatyn sýrette esimi belgisiz azamat Merýert Túsipbaevaǵa as ázirlep jatqanǵa uqsaıdy. Sol sebepti eldiń bári ony Túsipbaevanyń tańdaýy túsken azamat dep qaldy. Alaıda ánshiniń ózi muny joqqa shyǵardy.
“Men ne dep saldym? Kúıeýge tıdim dedim be? Jeksenbilik kesh dep jazdym boldy. Ol meniń baýyrym, kórshim ne týysym shyǵar, tipti dos qyzymnyń jubaıy shyǵar. Men jaı ǵana sol fotony jarty saǵattan keıin alyp tastaýǵa májbúr boldym”, – deıdi Merýert Túsipbaeva.
Osylaı degenine qaramastan, Túsipbaeva as ázirlep turǵan azamattyń kim ekenin jasyryp qaldy.
“Men aıtpaımyn. Bir jaqsy, tamasha adam. Jańa Maqpal Júnisova apaıym: “Kúıeýge tıipsiń ǵoı”, – dedi. Men shynymdy aıtamyn, tıgen joqpyn. Meni syrtymnan ton piship, shyǵaryp qoıypty dedim”, – dedi ol aǵynan jarylyp.
Ánshi jalǵan aqparat taratqan BAQ quraldaryna renishin jetkizdi.
“Alam dep júrgen adamdar týý tıip qoıypty, úılenbeı-aq qoıaıyq deıtin boldy ǵoı. Qalatyn boldym endi, eshkimge tımeı”, – deıdi ánshi kúlip.
Derekkózi: stan.kz
