حالىقتىڭ سٷيٸكتٸ شەنەۋنٸكتەرٸنٸڭ قاتارىندا بولعان قازٸرگٸ دەپۋتات اسحات ايماعامبەتوۆ بٸلٸم سالاسىنا قاتىستى ماڭىزدى ساۋالدارعا جاۋاپ بەردٸ,- دەپ حابارلايدى Dalanews.kz.
جۋىردا جوعارى اۋديتورلىق پالاتا وقۋ-اعارتۋ مينيسترلٸگٸنە قاتىستى 16 ملرد تەڭگە تۋرالى اقپارات جارييالادى. اسحات ايماعامبەتوۆ بۇل تۋراسىندا بىلاي دەيدٸ:
"وقۋ-اعارتۋ مينيسترلٸگٸن تەكسەردٸك, 16 ملرد تەڭگە كٸتاپتار بويىنشا تيٸمسٸز جۇمسالعان" دەيدٸ. قالاي تيٸمسٸز جۇمسالدى? "كٸتاپتاردى مەرزٸمٸنەن بۇرىن شىعارعان" دەيدٸ. 2021 جىلى ەلٸپپەنٸ قايتاردىق. تيپتٸك وقۋ جوسپارىنا ٶزگەرٸس ەنگٸزدٸك. ونى ساۋات اشۋ ەمەس, ەلٸپپە دەدٸك. ەلٸپپە دەگەن تەك اتى ٶزگەرگەن جوق, ونىڭ زاتى ٶزگەردٸ, ەدٸستەمەسٸ, بالاعا دەگەن كٶزقاراس ٶزگەردٸ. ونى ٶزگەرتكەننەن كەيٸن, ەرينە, ەلٸپپە دەگەن جاڭا وقۋلىق شىعاردىق. ...ٶزٸن-ٶزٸ تانۋ دەگەن بولدى, باعدارلامادان ونى الىپ تاستادىق. وسى ٶزگەرٸستەردٸ كەمشٸلٸك رەتٸندە ايتىپ وتىر. بٸراق مۇعالٸمدەردەن "تيٸمدٸ شەشٸم بە?" دەپ سۇراساق, مەنٸڭ ويىمشا, باسىم كٶپشٸلٸگٸ "تيٸمدٸ شەشٸم" دەيدٸ. وندا نەگە بۇلاي ايتامىز? الىپقاشپا اقپارات كٶپ. "ويباي" دەپ اتتاندايتىن اقپارات سيياقتى, 40, 400-500 ملرد دەپ جازىپ قويادى. بٸراق ونى ساراپتاي بٸلۋ كەرەك, نەگە, قالاي بولعانىن تٷسٸنۋ كەرەك. بٸر جاعىنان سول اقپاراتتى تەكسەرۋشٸ ورگانداردىڭ ٶزدەرٸ دە "جۇمىس ٸستەپ جاتىرمىز, جالاقىنى بوسقا الىپ جاتقان جوقپىز" دەگەندٸ كٶرسەتكٸسٸ كەلەدٸ عوي. سونداي بٸر ٷلكەن اقپاراتتى حايپ رەتٸندە بەرگەن دە دەرەكتەر از ەمەس. ونى بەرگەننەن كەيٸن بٸزدٸڭ حالىقتا دا "بەرٸن جەپ جاتىر ەكەن, بەرٸ قۇرىپ جاتىر ەكەن" دەگەن وي پايدا بولادى. اقتى اق, قارانى قارا دەۋٸمٸز كەرەك", - دەدٸ دەپۋتات Adal Adam-عا بەرگەن سۇحباتىندا.
بٸلٸم سالاسىندا تيكتوكەر, بلوگەر مۇعالٸم-ديرەكتورلار كٶبەيگەنٸ قانشالىق دۇرىس? دەپۋتات ساۋالعا بىلاي جاۋاپ بەردٸ:
"ۇستازدىڭ بەينەسٸ, يمميدجٸ, بەدەلٸ ٶتە ماڭىزدى. كٷندەلٸكتٸ كٷلكٸگە, ەزٸلگە اينالدىرىپ جٸبەرسەك, نە بولادى? ريلستٸڭ اتى - ريلس. ەرينە, جۇمىستى كٶرسەتۋ كەرەك. بالالارمەن جاقىن قارىم-قاتىناس بولۋى كەرەك تە شىعار. بٸراق بەرٸ بٸردەي انەكدوت ايتىپ, بەرٸ بٸردەي نەشە تٷرلٸ Instagram مەن TikTok-تىڭ ترەندتەرٸنەن قالمايمىن دەپ جٷرگەنٸ سۇراق تۋعىزادى. سوندىقتان مينيسترلٸكتٸڭ ناقتى ۇستانىمى بولۋى كەرەك. مەن ٶزٸم مينيسترلٸكتە جۇمىس ٸستەگەندە, ەرٸپتەستەرٸم بٸلەدٸ, قاتتى قولدامايتىنمىن, سوندىقتان مۇنداي مەسەلە قاتتى ٶرشٸمەگەن سيياقتى. ەر نەرسەنٸڭ رەتٸ بار. كەز كەلگەن نەرسەنٸ ريلسقا تٷسٸرٸپ, Instagram-دا جارييالاۋ دەگەندٸ تٷسٸنبەيمٸن", - دەدٸ ول.
كەيٸنگٸ كەزدە جەكەمەنشٸك مەكتەپ كٶبەيدٸ. بۇل جٷيە ٶز-ٶزٸن اقتاپ جاتىر ما, ەلدە بيزنەس قۇرالى ما?
"بٸزدە مەملەكەتتٸك مەكتەپتەر دە, جەكەمەنشٸك مەكتەپتەر دە بار. مەملەكەتتٸك مەكتەپتەردٸڭ ٶزدەرٸندە بەس ساۋساق بٸردەي ەمەس دەيدٸ عوي. ولاردا دا ٶتە ساپالى بٸلٸم بەرٸپ جاتقان مەملەكەتتٸك مەكتەپتەر بار, تٸپتٸ جۇمىسىن سالعىرت, ٶتە تٶمەن دەڭگەيدە ۇيىمداستىرىپ جاتقان مەكتەپتەر دە بار. جەكەمەنشٸك مەكتەپتەردە دە دەل سونداي. ٶتە مىقتى, جاقسى جۇمىس ٸستەپ جاتقان مەكتەپتەر بار. ساپاسىز مەكتەپتەر دە بار. سوندىقتان ساپالى, ساپاسىز مەكتەپ دەپ بٶلەمٸن", - دەيدٸ ول.
