ياكۋت مۋزىكانتى ەرٸ ازاماتتىق بەلسەندٸ ايحال امموسوۆتى دٷيسەنبٸ كٷنٸ قازاقستاندا بەلگٸسٸز بٸرەۋلەر ۇرلاپ ەكەتكەن.
ساحا تەۋەلسٸزدٸگٸ ٷشٸن "قارسىلىق" قوزعالىسىنىڭ مەلٸمدەۋٸنشە, ازاماتتىق كيٸمدەگٸ ادامدار ونى كٶلٸككە وتىرعىزىپ, بەلگٸسٸز باعىتقا الىپ كەتكەن. سودان بەرٸ حابار جوق.
امموسوۆتىڭ تانىستارى Sota باسىلىمىنا سوڭعى كٷندەرٸ وعان قازاقستاننىڭ قۇقىق قورعاۋ ورگاندارى ٶكٸلدەرٸ جيٸ كەلٸپ جٷرگەنٸن ايتقان. ولاردىڭ ايتۋىنشا, پوليتسييا قىزمەتكەرلەرٸ امموسوۆقا ۋاقىتشا تۇرۋعا كٶمەكتەسٸپ جٷرگەن ادامعا بارىپ, تۇراتىن جەرٸ تۋرالى قىزىعۋشىلىق تانىتقان. بەلسەندٸنٸڭ ٶزٸ استانادا تٸركەلگەن, بٸراق سوڭعى كەزدە الماتىدا تۇرىپ جاتقان.
ايحال "ازات ياكۋتييا" قوزعالىسىنىڭ ٸرگەسٸن قالاۋشى. اتا-اناسىنىڭ ازان شاقىرىپ قويعان اتى - يگور. ەسەيە كەلە تٷر-تۇلعاسىنىڭ يگورەكپەن مٷلدە ٷيلەسپەيتٸنٸن, مۇنىڭ زورلىقپەن تاڭعان ەسٸم ەكەنٸن تٷسٸنگەن. ايحال ساحا تٸلٸندە ەيدٸك, ەيگٸلٸ دەگەن ماعىنا بەرەدٸ.
ياكۋت بەلسەندٸسٸ تۋرالى رەپورتاج جاساعان DALA INSIDE تەلەگرام ارناسى: "ياكۋتيياداعى ازاتتىق سيمۆولىنا اينالىپ ٷلگەرگەن امموسوۆ "ورىس ەلەمٸمەن" اقىرىنا دەيٸن ارپالىسۋعا بەل بۋىپ وتىر" دەپ حابارلاعان ەدٸ.
امموسوۆ ورىستاندىرۋ ساياساتىنىڭ زاردابى ياكۋت حالقىنىڭ سٷيەگٸنە ٶتٸپ كەتكەنٸن ايتقان بولاتىن.
"سوعىستان قاشقان ياكۋتتاردىڭ كٶپشٸلٸگٸ قازاقستاندى پانالادى. مۇندا كەلگەننەن كەيٸن ٶزٸمٸزدٸڭ مەڭگٷرت ەكەنٸمٸزدٸ تٷسٸندٸك.
رەسەي بٸزدٸ قويداي ٶرگٸزٸپ, قوزىداي كٶگەندەگەن ەكەن. سٶز ساپتاۋىمىز, جٷرٸس-تۇرىسىمىز, ٸشەر اس, كيەر كيٸمٸمٸزگە دەيٸن ورىستىڭ يسٸ سٸڭٸپتٸ. ياكۋت كٶشەلەرٸندە مەن سەكٸلدٸ "يگور" مەن "يۆاندار" ٶرٸپ جٷر. ولار بۇل ەسٸمدەردٸ باسقىنشىلاردىڭ كٷشپەن تاڭعانىن بٸلگٸسٸ دە كەلمەيدٸ...", - دەپ قىنجىلعان ايحال ەدٸ.
تولىق نۇسقاسى وسى جەردە: https://t.me/dalainside/1280
