جارىسقا قاتىسۋشىلاردى وبلىس اكىمى ا. باتالوۆ قۇتتىقتاپ، ساتتىلىك تىلەدى.
– بۇل جارىستى مەملەكەتتىك قىزمەتشىلەردىڭ كاسىبي مەرەكەسىنە وراي جىل سايىن وتكىزۋ داستۇرگە اينالعان. ويتكەنى مەملەكەتتىك باسقارۋدىڭ وزەگى سانالاتىن مەملەكەتتىك قىزمەتشىنىڭ سالاۋاتتى ءومىر سالتىن ۇستانۋى قاشاندا ماڭىزدى. مەملەكەتتىك قىزمەتشى بارلىق جاعىنان قوعامعا ۇلگى بولۋى ءتيىس. مەملەكەتتىك قىزمەتتى جاۋاپكەرشىلىكپەن اتقارىپ جۇرگەن سىزدەرگە سپورتتا دا جارقىن جەڭىستەر تىلەيمىن. مەملەكەتتىك قىزمەتكەرلەر اراسىنداعى ونىنشى جازعى سپارتاكيادانى اشىق دەپ جاريالايمىن! – دەدى ا. باتالوۆ. سونىمەن قاتار مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتىنىڭ باسشىسى، ادەپ جونىندەگى كەڭەستىڭ ءتوراعاسى سەرىكباي نۇرعيسايەۆ تا جارىسقا قاتىسۋشىلارعا جەڭىس تىلەدى.
سپارتاكياداعا ءوڭىردىڭ 16 اۋدانى مەن 3 قالاسىنىڭ مەملەكەتتىك قىزمەتشىلەرى، وبلىس اكىمدىگى، سونىمەن قاتار قۇقىق قورعاۋ ورگاندارىنىڭ كوماندالارى قاتىسۋدا. جارىستار سپورتتىڭ توعىزقۇمالاق، بيليارد، ۆولەيبول، شاعىن فۋتبول، باسكەتبول، ۇستەل تەننيسى، شاحمات تۇرلەرى بويىنشا «جاستار» سپورت سارايىندا، «وركەن»، «دينامو»، «جاستار – 2» سپورت كەشەندەرىندە وتەدى. سپارتاكيادا ەكى كۇنگە سوزىلىپ، قورىتىندىسى ەرتەڭ كەشكىلىك بەلگىلى بولادى.
ايتا كەتسەك، جالپى الماتى وبلىسىندا بۇگىندە 8500-گە جۋىق مەملەكەتتىك قىزمەتشى جۇمىس ىستەيدى، ولاردىڭ 2 مىڭنان استامى 28 جاسقا دەيىنگى جاستار، ياعني ولار 23% قۇراپ وتىر. مەملەكەتتىك قىزمەتشىلەردىڭ ورتاشا جاسى – 39.
