قازاقستاندا مەملەكەتتٸك كٷزەت قىزمەتٸ قىزمەتكەرلەرٸنٸڭ ٶكٸلەتتٸگٸن كەڭەيتۋ كٶزدەلٸپ وتىر. ۇسىنىلعان زاڭ جوباسىنا سەيكەس, بەلگٸلٸ بٸر جاعدايلاردا قارۋدى ەسكەرتۋسٸز قولدانۋعا رۇقسات بەرٸلۋٸ مٷمكٸن, دەپ حابارلايدى Dalanews.kz.
مەجٸلٸس ارنايى مەملەكەتتٸك ورگانداردىڭ قىزمەتٸنە قاتىستى زاڭنامالىق ٶزگەرٸستەر جوباسىن بٸرٸنشٸ وقىلىمدا قارادى. قۇجاتقا سەيكەس, تەرروريزمگە قارسى وپەراتسييالار ايماعىندا قىزمەت اتقاراتىن مەملەكەتتٸك كٷزەت قىزمەتكەرلەرٸنە فيزيكالىق كٷش, ارنايى قۇرالدار, قارۋ-جاراق, ەسكەري جەنە ٶزگە دە تەحنيكا, سونداي-اق قىزمەتتٸك جانۋارلاردى ەسكەرتۋسٸز ەرٸ قولدانىستاعى شەكتەۋلەرسٸز پايدالانۋ قۇقىعى بەرٸلەدٸ.
سونىمەن قاتار قاجەتتٸ قورعانىس, اسا قاجەتتٸلٸك نەمەسە قۇقىق بۇزۋشىلاردى ۇستاۋ كەزٸندە قىزمەتكەرلەرگە ارنايى قارۋ نەمەسە جابدىق بولماعان جاعدايدا, كەز كەلگەن قولدا بار قۇرالداردى قولدانۋعا رۇقسات ەتٸلەدٸ. بۇدان بٶلەك, زاڭ اياسىندا تٸركەلمەگەن ٶزگە قارۋ تٷرلەرٸن دە بەلگٸلەنگەن تەرتٸپپەن پايدالانۋ قاراستىرىلعان.
مەجٸلٸس دەپۋتاتى بولات كەرٸمبەكتٸڭ ايتۋىنشا, زاڭ جوباسى ارنايى ورگاندارعا IT-ماماندار مەن دارىندى جاستاردى تارتۋدى, سونداي-اق ۇلتتىق قاۋٸپسٸزدٸك ورگاندارىنىڭ تٶتەنشە جاعدايلار كەزٸندەگٸ ەرەكەت ەتۋ ٶكٸلەتتٸگٸن ناقتىلاۋدى كٶزدەيدٸ.
قۇجاتتا مەملەكەتتٸك قۇپييالاردى قورعاۋدى كٷشەيتۋ دە ۇسىنىلعان. اتاپ ايتقاندا, ولاردىڭ قورعالۋ دەڭگەيٸنٸڭ تٶمەندەۋٸ ۇلتتىق قاۋٸپسٸزدٸككە تٶنەتٸن قاۋٸپ رەتٸندە قاراستىرىلادى. سونىمەن بٸرگە, ەكسترەميستٸك جەنە تەرروريستٸك ماتەريالداردى تاراتۋعا عانا ەمەس, ولاردى ساقتاۋعا دا تىيىم سالۋ ەنگٸزٸلەدٸ.
ٸلەسپە زاڭ جوباسىندا مەملەكەتتٸك قۇپييالاردى قورعاۋ تالاپتارىن قايتالاپ بۇزعانى ٷشٸن جاۋاپكەرشٸلٸكتٸ كٷشەيتۋ قاراستىرىلعان. سونداي-اق مەملەكەتتٸك كٷزەت قىزمەتٸنە ەكٸمشٸلٸك قۇقىق بۇزۋشىلىقتار بويىنشا حاتتامالاردى ٶز بەتٸنشە تولتىرۋ قۇقىعىن بەرۋ ۇسىنىلىپ وتىر.
ايتا كەتەيٸك, مەملەكەتتٸك كٷزەت قىزمەتٸ - قازاقستاننىڭ ۇلتتىق قاۋٸپسٸزدٸگٸن قامتاماسىز ەتەتٸن ارنايى ورگان. ول پرەزيدەنتكە تٸكەلەي باعىنادى جەنە ەسەپ بەرەدٸ. قىزمەت 2014 جىلى پرەزيدەنت كٷزەتٸ مەن رەسپۋبليكالىق گۆاردييانىڭ بٸرٸگۋٸ نەگٸزٸندە قۇرىلعان. قۇرامىنا "ايبىن" جەنە "باتىر" پرەزيدەنتتٸك پولكتەرٸ كٸرەدٸ.
