استانادا ەكٸمشٸلٸك قۇقىق بۇزۋشىلىق جٶنٸندەگٸ مامانداندىرىلعان اۋدانارالىق سوت مەملەكەتتٸك كٸرٸستەر كوميتەتٸنٸڭ (مكك) تٶراعاسى جاندوس دٷيسەمبيەۆكە قاتىستى ٸستٸ قارادى, دەپ حابارلايدى Dalanews.kz.
ٸس مينيستردٸڭ تٸركەلمەگەن بۇيرىعىنا بايلانىستى قوزعالعان. اتالعان قۇجاتقا سٷيەنٸپ, سالىق ورگاندارى كەسٸپكەرلەرگە تەكسەرٸس جٷرگٸزٸپ كەلگەن.
Kozachkov offside telegram-ارناسىنىڭ دەرەگٸنشە, بۇل بۇيرىق "قىزمەتتٸك پايدالانۋ ٷشٸن" دەگەن بەلگٸنٸ يەلەنٸپ, قۇپييا اقپاراتتار قامتىلعانىمەن, ەدٸلەت مينيسترلٸگٸندە تٸركەلمەگەن. وسى سەبەپتٸ ول زاڭدىق كٷشكە يە بولماعان. سوعان قاراماستان, مەملەكەتتٸك كٸرٸستەر كوميتەتٸ ونى جۇمىس بارىسىندا قولدانۋدى جالعاستىرعان.
بۇزۋشىلىق بيىلعى جىلدىڭ العاشقى جارتىسىندا بەلگٸلٸ بولعان. بٸرقاتار كومپانييا تەكسەرٸستەردٸڭ زاڭدىلىعىنا شاعىمدانعاننان كەيٸن, سوت قۇجاتتىڭ كٷشٸن جويدى. كەيٸن استانانىڭ مامانداندىرىلعان ەكٸمشٸلٸك سوتى ٷكٸمەت اتىنا زاڭ بۇزۋشىلىقتاردى جويۋ تۋرالى ەكٸ جەكە ۇيعارىم جولدادى.
وسىدان سوڭ ەدٸلەت مينيسترلٸگٸ ەكٸمشٸلٸك قۇقىق بۇزۋشىلىق تۋرالى كودەكستٸڭ 457-بابى («نورماتيۆتٸك قۇقىقتىق اكتٸلەردٸ مەملەكەتتٸك تٸركەۋ تۋرالى زاڭنامانى بۇزۋ») بويىنشا جاندوس دٷيسەمبيەۆكە قاتىستى ەكٸمشٸلٸك حاتتاما تولتىردى. الايدا ول حاتتاماعا قول قويۋدان باس تارتىپ, ٸستٸڭ سوتتا قارالۋىن سۇراعان.
سوت دٷيسەمبيەۆتٸڭ شىنىندا دا تٸركەلمەگەن بۇيرىقتى قولدانعانىن انىقتاپ, ونى ەكٸمشٸلٸك قۇقىق بۇزۋشىلىق جاساعان دەپ تانىدى. شەنەۋنٸككە 78 640 تەڭگە كٶلەمٸندە ايىپپۇل سالىندى.
بۇل شەشٸم ەزٸرگە زاڭدى كٷشٸنە ەنگەن جوق.
