مەملەكەت حالىقتىڭ قارىزىن قانداي جاعدايدا ٶتەپ بەرەدٸ?
بۇل تۋرالى بٷگٸن مەملەكەت باسشىسى قاسىم-جومارت توقاەۆ باق ٶكٸلدەرٸنە پرەزيدەنت سىيلىعىن تاپسىرۋ رەسٸمٸ بارىسىندا ايتتى, دەپ حابارلايدى اقوردا سايتى.
پرەزيدەنت «قازاقستان رەسپۋبليكاسى ازاماتتارىنىڭ بورىش جٷكتەمەسٸن ازايتۋ شارالارى تۋرالى» جارلىققا قول قويدى. قاۋلىنىڭ تولىق مەتٸنٸ مىناداي:
قازاقستان رەسپۋبليكاسى ازاماتتارىنىڭ بورىش جٷكتەمەسٸن ازايتۋ شارالارى تۋرالى ٶمٸرلٸك قيىن جاعدايدا قالعان قازاقستان رەسپۋبليكاسى ازاماتتارىنىڭ بورىش جٷكتەمەسٸن ازايتۋ جٶنٸندە ۋاقتىلى كٶمەك كٶرسەتۋ ماقساتىندا قاۋلى ەتەمٸن:
1.قازاقستان رەسپۋبليكاسىنىڭ ٷكٸمەتٸ ەكٸنشٸ دەڭگەيدەگٸ بانكتەردەگٸ جەنە ميكروقارجى ۇيىمدارىنداعى كەپٸلسٸز تۇتىنۋشىلىق قارىزدارى بويىنشا مىناداي جاعدايلاردا:
1)اتالعان قارىزدار بويىنشا بورىشكەرلەر كٶپبالالى وتباسىلار, اسىراۋشىسىنان ايرىلۋ جاعدايىنا بايلانىستى تٶلەم الاتىن وتباسىلار, مٷگەدەك بالالارى بار, 18 جاستان اسقان, بالا جاسىنان مٷگەدەكتەر بار وتباسىلار, اتاۋلى مەملەكەتتٸك ەلەۋمەتتٸك كٶمەك الاتىندار, جەتٸم بالالار, اتا-اناسىنان كەمەلەتتٸك جاسقا دەيٸن ايرىلعان, جيىرما توعىز جاسقا تولماعان, اتا-انانىڭ قامقورلىعىنسىز قالعان بالالار;
2) قارىز بويىنشا جالپى بەرەشەگٸ 2019 جىلعى 1 ماۋسىمداعى جاعداي بويىنشا 3 000 000 (ٷش ميلليون) تەڭگەدەن اسپايتىن بولسا;
3) بٸر قارىز الۋشىعا 2019 جىلعى 1 ماۋسىمداعى جاعداي بويىنشا نەگٸزگٸ بورىشى مەن وعان ەسەپتەلگەن سىياقىدان تۇراتىن ٶتەلەتٸن بەرەشەگٸنٸڭ مٶلشەرٸ 300 000 (ٷش جٷز مىڭ) تەڭگەدەن اسپايتىن بولسا, ولاردى ٶتەۋ بويىنشا بٸرجولعى تەرتٸپتە شارالار قابىلداسىن.
2. قازاقستان رەسپۋبليكاسىنىڭ ٷكٸمەتٸ, قازاقستان رەسپۋبليكاسىنىڭ ۇلتتىق بانكٸ:
1) بانكتەردە جەنە ميكروقارجى ۇيىمدارىندا كەپٸلسٸز تۇتىنۋشىلىق قارىزدارى بار قازاقستان رەسپۋبليكاسى ازاماتتارىنىڭ 2019 جىلعى 1 شٸلدەدەگٸ جاعداي بويىنشا ەسەپتەلگەن ايىپپۇلدارى مەن ٶسٸمپۇلدارىن ەسەپتەن شىعارۋ;
2) نۇر-سۇلتان, الماتى, شىمكەنت قالالارىنىڭ جەنە وبلىستاردىڭ ەكٸمدەرٸمەن بٸرلەسٸپ وسى جارلىقتى ٸسكە اسىرۋ جٶنٸندە ٶزگە دە شارالاردى قابىلداسىن.
3. قازاقستان رەسپۋبليكاسىنىڭ ۇلتتىق بانكٸ ٶزٸنە شەكتەن تىس تەۋەكەلدەردٸ العان قارجى ۇيىمدارىنىڭ جاۋاپكەرشٸلٸگٸن كٷشەيتۋ بويىنشا:
1) مەرزٸمٸ ٶتكەن بەرەشەگٸ 90 كٷننەن اسىپ كەتكەن جەكە تۇلعالاردىڭ بارلىق كەپٸلسٸز تۇتىنۋشىلىق قارىزدارى بويىنشا كرەديتتٸ بەرۋمەن جەنە وعان قىزمەت كٶرسەتۋمەن بايلانىستى تۇراقسىزدىق ايىبىن, كوميسسييالار مەن ٶزگە دە تٶلەمدەردٸ ەسەپتەۋگە تىيىم سالۋدى;
2) تابىسى كٷنكٶرٸس دەڭگەيٸنەن تٶمەن ازاماتتارعا قارىزدار بەرۋگە تىيىم سالۋدى;
3) كەپٸلسٸز تۇتىنۋشىلىق قارىزداردى بەرۋ كەزٸندەگٸ رەتتەۋدٸڭ قوسىمشا شارالارىن كٶزدەيتٸن رەتتەۋشٸلٸك سيپاتتاعى قاتاڭ شارالار قابىلداسىن.
4. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتٸنٸڭ ەكٸمشٸلٸگٸنە جٷكتەلسٸن.
5. وسى جارلىق قول قويىلعان كٷنٸنەن باستاپ قولدانىسقا ەنگٸزٸلەدٸ.
«جوعارىدا مەن اتاپ ٶتكەن ساناتتاعى ەربٸر زاەمشٸگە تٸكەلەي جەنە اتاۋلى قارجىلاي كٶمەك كٶرسەتۋ ٷشٸن مەملەكەت ەكٸنشٸ دەڭگەيلٸ بانكتەر مەن شاعىن نەسيە ۇيىمدارىنداعى جالپى كٶلەمٸ 300 مىڭ تەڭگەگە دەيٸنگٸ نەگٸزگٸ قارىزى مەن وعان قوسىلعان ٶسٸماقىنى ٶتەپ بەرەدٸ», - دەدٸ مەملەكەت باسشىسى.
