Memleket halyqtyń qaryzyn qandai jaǵdaida ótep beredi?
Bul týraly búgin Memleket basshysy Qasym-Jomart Toqaev BAQ ókilderine Prezident syilyǵyn tapsyrý rásimi barysynda aitty, dep habarlaidy Aqorda saity.
Prezident «Qazaqstan Respýblikasy azamattarynyń borysh júktemesin azaitý sharalary týraly» Jarlyqqa qol qoidy. Qaýlynyń tolyq mátini mynadai:
Qazaqstan Respýblikasy azamattarynyń borysh júktemesin azaitý sharalary týraly Ómirlik qiyn jaǵdaida qalǵan Qazaqstan Respýblikasy azamattarynyń borysh júktemesin azaitý jóninde ýaqtyly kómek kórsetý maqsatynda QAÝLY ETEMIN:
1.Qazaqstan Respýblikasynyń Úkimeti ekinshi deńgeidegi bankterdegi jáne mikroqarjy uiymdaryndaǵy kepilsiz tutynýshylyq qaryzdary boiynsha mynadai jaǵdailarda:
1)atalǵan qaryzdar boiynsha boryshkerler kópbalaly otbasylar, asyraýshysynan airylý jaǵdaiyna bailanysty tólem alatyn otbasylar, múgedek balalary bar, 18 jastan asqan, bala jasynan múgedekter bar otbasylar, ataýly memlekettik áleýmettik kómek alatyndar, jetim balalar, ata-anasynan kámelettik jasqa deiin airylǵan, jiyrma toǵyz jasqa tolmaǵan, ata-ananyń qamqorlyǵynsyz qalǵan balalar;
2) qaryz boiynsha jalpy bereshegi 2019 jylǵy 1 maýsymdaǵy jaǵdai boiynsha 3 000 000 (úsh million) teńgeden aspaityn bolsa;
3) bir qaryz alýshyǵa 2019 jylǵy 1 maýsymdaǵy jaǵdai boiynsha negizgi boryshy men oǵan eseptelgen syiaqydan turatyn óteletin beresheginiń mólsheri 300 000 (úsh júz myń) teńgeden aspaityn bolsa, olardy óteý boiynsha birjolǵy tártipte sharalar qabyldasyn.
2. Qazaqstan Respýblikasynyń Úkimeti, Qazaqstan Respýblikasynyń Ulttyq Banki:
1) bankterde jáne mikroqarjy uiymdarynda kepilsiz tutynýshylyq qaryzdary bar Qazaqstan Respýblikasy azamattarynyń 2019 jylǵy 1 shildedegi jaǵdai boiynsha eseptelgen aiyppuldary men ósimpuldaryn esepten shyǵarý;
2) Nur-Sultan, Almaty, Shymkent qalalarynyń jáne oblystardyń ákimderimen birlesip Osy Jarlyqty iske asyrý jóninde ózge de sharalardy qabyldasyn.
3. Qazaqstan Respýblikasynyń Ulttyq Banki ózine shekten tys táýekelderdi alǵan qarjy uiymdarynyń jaýapkershiligin kúsheitý boiynsha:
1) merzimi ótken bereshegi 90 kúnnen asyp ketken jeke tulǵalardyń barlyq kepilsiz tutynýshylyq qaryzdary boiynsha kreditti berýmen jáne oǵan qyzmet kórsetýmen bailanysty turaqsyzdyq aiybyn, komissiialar men ózge de tólemderdi esepteýge tyiym salýdy;
2) tabysy kúnkóris deńgeiinen tómen azamattarǵa qaryzdar berýge tyiym salýdy;
3) kepilsiz tutynýshylyq qaryzdardy berý kezindegi retteýdiń qosymsha sharalaryn kózdeitin retteýshilik sipattaǵy qatań sharalar qabyldasyn.
4. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.
5. Osy Jarlyq qol qoiylǵan kúninen bastap qoldanysqa engiziledi.
«Joǵaryda men atap ótken sanattaǵy árbir zaemshige tikelei jáne ataýly qarjylai kómek kórsetý úshin memleket ekinshi deńgeili bankter men shaǵyn nesie uiymdaryndaǵy jalpy kólemi 300 myń teńgege deiingi negizgi qaryzy men oǵan qosylǵan ósimaqyny ótep beredi», - dedi Memleket basshysy.
