مەملەكەت باسشىسى قاسىم- جومارت توقايەۆ بىرنەشە مەملەكەتتەگى ەلشىلەردى تاعايىندادى، دەپ حابارلايدى Dalanews.kz. اقوردا باسپا ءسوز قىزمەتىنە سىلتەمە جاساپ.
مەملەكەت باسشىسىنىڭ جارلىعىمەن دانيار سارەكەنوۆ قازاقستان رەسپۋبليكاسىنىڭ سلوۆەنيا رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن بوساتىلدى.
اتالعان ەلگە جاڭا ەلشى بولىپ التاي ابيبۋللايەۆ تاعايىندالدى.
سونداي- اق مەملەكەت باسشىسىنىڭ جارلىعىمەن قازاقستان رەسپۋبليكاسىنىڭ حورۆاتيا رەسپۋبليكاسىنداعى توتەنشە جانە وكىلەتتى ەلشىسى داۋلەت باتراشيەۆ قازاقستان رەسپۋبليكاسىنىڭ بوسنيا جانە گەرسەگوۆينا رەسپۋبليكاسىنداعى، سونداي- اق چەرنوگورياداعى توتەنشە جانە وكىلەتتى ەلشىسى قىزمەتىن قوسا اتقارۋشى بولىپ تاعايىندالدى.
ال قازاقستان رەسپۋبليكاسىنىڭ الجير حالىق دەموكراتيالىق رەسپۋبليكاسىنداعى توتەنشە جانە وكىلەتتى ەلشىسى انۋاربەك احمەتوۆ قازاقستان رەسپۋبليكاسىنىڭ تۋنيس رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى بولىپ تاعايىندالدى.
