استانادا مەملەكەتتىك باعدارلاما بويىنشا تۇرعىن ءۇي ساتىپ الۋعا كومەكتەسەمىن دەپ ازاماتتاردىڭ اقشاسىن جىمقىرىپ كەتكەن الاياق ايەل ۇستالدى، دەپ حابارلادى Dalanews.kz Elorda.info.سايتىنا سىلتەمە جاساپ.
ەلوردادا 37 جاستاعى ايەل مەملەكەتتىك ورگاندا تانىستارى بارىن ايتىپ، ازاماتتاردىڭ سەنىمىنە كىرىپ، اقشاسىن الداپ العان.
سارىارقا اۋدانىنىڭ پوليسيا بولىمىنە قالا تۇرعىنى جۇگىنىپ، 2023 جىلدىڭ ماۋسىم ايىندا الاياققا 5 ملن تەڭگە بەرگەنىن ايتتى. تاعى ءبىر ايەل وتكەن جىلدىڭ ناۋرىزىندا وسىنداي جولمەن 3 ملن تەڭگەسىنەن ايىرىلعان. پاتەردى كۇتىپ الا الماعان جابىرلەنۋشىلەر پوليسياعا جۇگىندى. ءقازىر الاياققا الدانعان 9 ادامنان پوليسياعا ارىز ءتۇستى، - دەدى ەلوردالىق پد باسپا ءسوز قىزمەتى.
ءقازىر كۇدىكتى ۋاقىتشا ۇستاۋ مەكەمەسىنە قامالدى. وعان قىتىستى ق ر قك 190-بابى 3-بولىگى بويىنشا (ءىرى مولشەردە الاياقتىق) قىلمىستىق ءىس قوزعالدى. سونداي-اق، ونىڭ ەلوردا اۋماعىندا جاسالعان وسىعان ۇقساس وزگە دە قىلمىستارعا قاتىستىلىعى انىقتالىپ جاتىر.
