اگەنتتىكتىڭ مالىمەتىنشە، مەلانيا ترامپ بالا تاربيەسىنە قاتىستى جوبالاردى قولداۋ ءۇشىن اشقان “Be Best” كومپانياسىنىڭ جۇمىسى بارىسىندا تالسا قالاسىندا ورنالاسقان گۇلەن قوزعالىسىنا قاراستى Dove School of Discovery مەكتەبىن ارالاعان.
ءوزىنىڭ رەسمي twitter پاراقشاسىندا سۋرەت بولىسكەن اقش-تىڭ ءبىرىنشى حانىمى مەكتەپ باسشىلىعىنا، مۇعالىمدەر مەن وقۋشىلارعا العىس ايتتى.
مەكتەپتەردە تۇلعالىق دامۋ مەن اكادەميالىق ءبىلىم بەرۋدىڭ ماڭىزدىلىعىنا توقتالعان مەلانيا ترامپ “وتە جاقسى جۇمىستار جاسالۋدا”، – دەپ جازدى.
Dove مەكتەپتەرى ءبىراز ۋاقىت بۇرىن “National Association for the Advancement of Colored People” قاۋىمداستىعىنىڭ جاريالاعان ەسەبىنە ەنگەن بولاتىن. قاۋىمداستىق بۇل مەكتەپتى اقش-تاعى گۇلەن قوزعالىسىنا قاراستى 200 مەكتەپتىڭ قاتارىنا كىرەتىندىگىن جاريالاعان ەدى.
ايتا كەتەيىك، اتالمىش مەكتەپ 2016 جىلى تولىق تەكسەرىستەن ءوتىپ، وكلاحوما ينسپەكتورىنىڭ بايانداماسىندا 2012 جانە 2014 جىلدار ارالىعىندا ەشقانداي زاڭ بۇزۋشىلىقتىڭ بولماعاندىعى ايتىلعان.
سونىمەن قاتار، بۇل مەكتەپ 2018 جىلى “National School of Character Award” ماراپاتىن يەلەنگەن.
