Agenttiktiń málimetinshe, Melaniia Tramp bala tárbiesine qatysty jobalardy qoldaý úshin ashqan “Be Best” kompaniiasynyń jumysy barysynda Talsa qalasynda ornalasqan Gúlen qozǵalysyna qarasty Dove School of Discovery mektebin aralaǵan.
Óziniń resmi twitter paraqshasynda sýret bólisken AQSh-tyń birinshi hanymy mektep basshylyǵyna, muǵalimder men oqýshylarǵa alǵys aitty.
Mektepterde tulǵalyq damý men akademiialyq bilim berýdiń mańyzdylyǵyna toqtalǵan Melaniia Tramp “Óte jaqsy jumystar jasalýda”, – dep jazdy.
Dove mektepteri biraz ýaqyt buryn “National Association for the Advancement of Colored People” qaýymdastyǵynyń jariialaǵan esebine engen bolatyn. Qaýymdastyq bul mektepti AQSh-taǵy Gúlen qozǵalysyna qarasty 200 mekteptiń qataryna kiretindigin jariialaǵan edi.
Aita keteiik, atalmysh mektep 2016 jyly tolyq tekseristen ótip, Oklahoma inspektorynyń baiandamasynda 2012 jáne 2014 jyldar aralyǵynda eshqandai zań buzýshylyqtyń bolmaǵandyǵy aitylǵan.
Sonymen qatar, bul mektep 2018 jyly “National School of Character Award” marapatyn ielengen.
