كەڭەستە روتاتسييا مەسەلەسٸ كٶتەرٸلدٸ. ديرەكتورلاردى روتاتسييالاۋ ينستيتۋتى – بٸرٸنشٸ باسشىسىنىڭ كەسٸبي ەلەۋەتٸنٸڭ نەعۇرلىم تيٸمدٸ پايدالانۋدى قامتاماسىز ەتۋ ماقساتىندا جٷزەگە اسىرىلاتىن جاڭا ينستيتۋت.
قر بٸلٸم جەنە عىلىم مينيسترلٸگٸنٸڭ 2021 جىلعى 21 قاراشاداعى 559-شى بۇيرىعىمەن بەكٸتٸلگەن مەملەكەتتٸك بٸلٸم بەرۋ ۇيىمدارىنىڭ بٸرٸنشٸ باسشىلارىن روتاتسييالاۋدى جٷرگٸزۋ قاعيدالارىندا بٸرٸنشٸ باسشىنىڭ بٸلٸم بەرۋ ۇيىمىندا اتقاراتىن لاۋازىمىندا رۇقسات ەتٸلگەن ەڭ ۇزاق مەرزٸمٸ جەتٸ جىلدان اسپايدى.
«قازٸر روتاتسييا بويىنشا بٸزدٸڭ دەڭگەيٸمٸزگە شىقپايتىن ادام جوق. مىنا ديرەكتوردى ورنىندا قالدىرۋ كەرەك, ورنىنا تيٸسپەۋ كەرەك دەگەن سيياقتى. جەرگٸلٸكتٸ بٸلٸم باسقارمالارىنىڭ دەڭگەيٸندە دە وسىنداي قىسىم بولىپ جاتقانىن تٷسٸنەمٸن. بۇل مەسەلە وسى روتاتسييا مەحانيزمٸنٸڭ ٶتە قاجەت ەكەنٸن تاعى بٸر مەرتە كٶرسەتەدٸ.
ەبدەن بٸر ورىندا وتىرىپ, مەكتەپتٸ ۋاقىتشا جۇمىس سيياقتى ەمەس, مەملەكەتتٸك قىزمەت سيياقتى ەمەس, ٶزٸنٸڭ مۇرا بولىپ قالعان جەكە مەنشٸك ۇيىمى سيياقتى سەزٸنٸپ جاتقان ەرٸپتەستەرٸمٸز بار.
سوندىقتان مەكتەپ باسشىلارى ۋاقىتى كەلگەندە ورىندارىن اۋىستىرىپ, جاڭا ورىنعا بارىپ, جاڭا مەكتەپتٸ گٷلدەندٸرۋگە اتسالىسۋ كەرەك», – دەدٸ مينيستر.
ايتا كەتۋ كەرەك, بٷگٸنگٸ كٷنٸ مەملەكەتتٸك بالاباقشالاردا 3019 مەڭگەرۋشٸ جۇمىس ٸستەيدٸ, ونىڭ ٸشٸندە 7 جىلدان استام ەڭبەك ٶتٸلٸ بار 639 ادام. ال مەملەكەتتٸك مەكتەپتەردە 6299 ديرەكتور جۇمىس ٸستەيدٸ, ونىڭ ٸشٸندە 7 جىلدان استام ەڭبەك ٶتٸلٸ بار 1240 ديرەكتور بار.
