Keńeste rotatsiia máselesi kóterildi. Direktorlardy rotatsiialaý institýty – birinshi basshysynyń kásibi áleýetiniń neǵurlym tiimdi paidalanýdy qamtamasyz etý maqsatynda júzege asyrylatyn jańa institýt.
QR Bilim jáne ǵylym ministrliginiń 2021 jylǵy 21 qarashadaǵy 559-shy buiryǵymen bekitilgen Memlekettik bilim berý uiymdarynyń birinshi basshylaryn rotatsiialaýdy júrgizý qaǵidalarynda birinshi basshynyń bilim berý uiymynda atqaratyn laýazymynda ruqsat etilgen eń uzaq merzimi jeti jyldan aspaidy.
«Qazir rotatsiia boiynsha bizdiń deńgeiimizge shyqpaityn adam joq. Myna direktordy ornynda qaldyrý kerek, ornyna tiispeý kerek degen siiaqty. Jergilikti bilim basqarmalarynyń deńgeiinde de osyndai qysym bolyp jatqanyn túsinemin. Bul másele osy rotatsiia mehanizminiń óte qajet ekenin taǵy bir márte kórsetedi.
Ábden bir orynda otyryp, mektepti ýaqytsha jumys siiaqty emes, memlekettik qyzmet siiaqty emes, óziniń mura bolyp qalǵan jeke menshik uiymy siiaqty sezinip jatqan áriptesterimiz bar.
Sondyqtan mektep basshylary ýaqyty kelgende oryndaryn aýystyryp, jańa orynǵa baryp, jańa mektepti gúldendirýge atsalysý kerek», – dedi ministr.
Aita ketý kerek, búgingi kúni memlekettik balabaqshalarda 3019 meńgerýshi jumys isteidi, onyń ishinde 7 jyldan astam eńbek ótili bar 639 adam. Al memlekettik mektepterde 6299 direktor jumys isteidi, onyń ishinde 7 jyldan astam eńbek ótili bar 1240 direktor bar.
