مەملەكەت باسشىسى قاسىم-جومارت توقايەۆ بىلتىر 1 قىركۇيەكتەگى قازاقستان حالقىنا جولداۋىندا «جايلى مەكتەپ» ۇلتتىق جوباسىنىڭ قولعا الىناتىنىن جاريا ەتتى.
جوبانى ىسكە اسىرۋ بارىسى تۋرالى «AMANAT» پارتياسىنىڭ دەپۋتاتتىق فراكسياسى الدىندا وقۋ-اعارتۋ ۆيسە-مينيسترى ەدىل وسپان بايانداما جاسادى. ول سوڭعى 10 جىلدا ەلىمىزدە وقۋشىلار سانى 1 ملن-عا ارتىپ، 3،7 ملن-عا جەتكەنىن مالىمدەدى. قازىرگى ۋاقىتتا 270 مىڭ وقۋشى ورنى تاپشى. ەگەر ءتيىستى شارا قابىلدانباسا، 2026 جىلعا قاراي بۇل كورسەتكىش 1 ملن-نان اسادى.
– ۇلتتىق جوبا اياسىندا 2026 جىلعا دەيىن 800 مىڭعا جۋىق وقۋشى ورىنىن پايدالانۋعا بەرۋ جوسپارلانىپ وتىر. بۇل مەكتەپتەر وقۋشىلار مەن پەداگوگتارعا جايلى جاعداي جاساۋ ءۇشىن قاجەتتى زاماناۋي قۇرال-جابدىقتارمەن، جيھازدارمەن، ينتەرنەت جەلىسىمەن قامتاماسىز ەتىلەدى. ءاربىر وقۋشى ءۇشىن جەكە شكاف، ترانسفورمەر پارتا ورناتىلىپ، مەكتەپتىڭ ءار قاباتىندا وقۋعا جانە دەمالۋعا ارنالعان كوۆوركينگ بولمە، ينتەراكتيۆتى قۇرىلعى، TOUCH/LED-ەكران، امبەباپ شەبەرحانا جانە ت.ب. بولادى، – دەدى ەدىل وسپان.
سونداي-اق. ۆيسە-مينيستر 2026 جىلعا دەيىن ۇلتتىق جوبادان تىس شامامەن 600 مىڭ وقۋشى ورنىن پايدالانۋعا بەرۋ، اۋىلداردا، شاعىن قالالاردا جانە اۋدان ورتالىقتارىندا 3 مىڭنان استام مەكتەپتى جاڭعىرتۋ جوسپارلانعانىن اتاپ ءوتتى. جاراتىلىستانۋ-ماتەماتيكا باعىتىندا ءبىلىم بەرۋدى جاقسارتۋ ماقساتىندا 2029 جىلعا دەيىن مەكتەپتەردە جەرگىلىكتى بيۋدجەت ەسەبىنەن 7 مىڭ زاماناۋي روبوتوتەحنيكا، حيميا، فيزيكا، بيولوگيا، STEM كابينەتتەرىن اشۋ كوزدەلگەن.
فراكسيا باسشىسى، پارتيانىڭ اتقارۋشى حاتشىسى ەلنۇر بەيسەنبايەۆ مەكتەپتەر سالۋ كەزىندە قازاقستاندا وندىرىلگەن ماتەريالدار پايدالانىلۋى ءتيىس ەكەنىن اتاپ ءوتتى.
– ەلىمىزدە كەز كەلگەن اۋقىمدى ينفراقۇرىلىمدىق قۇرىلىس كەزىندە بارىنشا وتاندىق ءوندىرىس ماتەريالدارى پايدالانىلۋى ءتيىس. «جايلى مەكتەپ» جوباسىن جۇزەگە اسىرۋعا 2،6 ترلن. تەڭگە ءبولىندى. بۇل قاراجات وقۋشى ورىندارىنىڭ جەتىسپەۋشىلىگىن شەشىپ قانا قويماي، وتاندىق ءوندىرىستى دامىتۋعا باعىتتالۋى ءتيىس. كونكۋرستىق قۇجاتتامانى راسىمدەۋ كەزەڭىنەن-اق وتاندىق كاسىپكەردى قولداۋ شارالارى بەلگىلەنۋى ءتيىس ەدى. الايدا، جوبالاۋ كەزەڭىنىڭ وزىندە يمپورتتىق ماتەريالداردى پايدالانۋ كوزدەلىپ، وتاندىق تاۋارلار ىسىرىلىپ قالىپ جاتىر.
وسىعان بايلانىستى تاپسىرىس الىپ، جۇمىسى جۇرەتىنىنە سەنىپ قالعان سالالىق قاۋىمداستىقتاردان ءتۇرلى شاعىم كەلىپ تۇسۋدە. سونداي-اق، ماتەريالدار، جيھازدار مەن جابدىقتار بويىنشا بارلىق ساتىپ الۋ ءراسىمى قۇرىلىس كومپانيالارىنىڭ قۇزىرەتىنە بەرىلگەن. ال ءىرى بيزنەس ءوز پايداسىن عانا ويلاپ وتىر. قۇرىلىس ماتەريالدارىن، شىنى، جيھاز، تەحنيكا وندىرەتىن ءبىزدىڭ كاسىپورىندار جوباعا قاتىسۋى ءتيىس. وزگە ەلدىڭ ەكونوميكاسىن جارىلقاي بەرۋدى دوعارۋ كەرەك، – دەدى ول.
ءوز كەزەگىندە «Samruk-Kazyna Construction» اق باسقارما ءتوراعاسى ماۋلەن ايمانبەتوۆ كومپانيا ءبىرىڭعاي ستاندارت بويىنشا عيماراتتاردىڭ تيپتىك جوباسىن ازىرلەپ جاتقانىن ايتتى. بۇلار – 300، 600، 900، 1200، 1500، 2000 جانە 2500 وقۋشى ورنىنا ارنالعان ەكى اۋىسىمدى مەكتەپتەر.
– ءبىز 5 كليماتتىق ايماققا ارنالعان 7 جوبالىق قۋات بويىنشا 35 جوبالىق-سمەتالىق قۇجاتتاما ازىرلەپ جاتىرمىز. 2026 جىلعا دەيىن بارلىعى 401 مەكتەپ سالىنادى. جالپى قىزمەتتەردى پايدالانۋ اۋقىمى بويىنشا قازاقستاندىق ءونىمنىڭ ۇلەسى شامامەن 70-80%-دى قۇراۋى ءتيىس. ماسەلەن، جيھاز جاسايتىن وتاندىق كومپانيالاردىڭ 90%-ى ءتيىستى تەحنيكالىق سيپاتتاما العان جاعدايدا مەكتەپ جيھازدارىن شىعارا الادى. ءبىز قۇرىلىس كومپانيالارىنا ۋاقتىلى كەلىسىمشارتتار جاساسۋ جانە جيھازعا تاپسىرىس بەرۋ بويىنشا تالاپتار قويامىز. قىزمەتتى جەتكىزۋشىلەردەن: 3 جىلدان 5 جىلعا دەيىن قىزمەت كورسەتۋ تۋرالى كەپىلدىك جانە CT KZ سەرتيفيكاتىنىڭ بولۋى تالاپ ەتىلەدى، – دەپ اتاپ ءوتتى ول.
دەپۋتات جۇلدىز سۇلەيمەنوۆا مەكتەپتەردى وقۋشى سانى بويىنشا ءبولۋ ماسەلەسىنە نازار اۋداردى. ماسەلەن، 2500 وقۋشىعا نەگىزدەلگەن تەك 3 عيمارات تۇرعىزىلادى. ونىڭ بىرەۋى اقمولا وبلىسىندا، ال قالعان ەكەۋى الماتى قالاسىندا سالىنادى.
– مۇنداي مەكتەپتەردىڭ جالپى قاۋىپسىزدىگىنە قاتاڭ تالاپ قويىلۋى كەرەك. ياعني، جەر سىلكىنىسىنە توزىمدىلىك پەن شۇعىل ەۆاكۋاسيا جاساۋ مۇمكىندىگى ماسەلەلەرىنە ايرىقشا ءمان بەرىلۋى ءتيىس. مۇنداي عيماراتتاردىڭ اۋماعى دا كەڭ بولۋى كەرەك. سونىمەن قاتار، تەندەرلەردى بىرنەشە رەت وتكىزبەۋ ءۇشىن قۇرىلىستىڭ كەشىگۋىنە جول بەرۋگە بولمايدى، – دەدى ول.
فراكسيانىڭ مۇشەسى جاناربەك ءاشىمجانوۆ مەكتەپ قۇرىلىسىنىڭ بارىسىنا جانە بيۋدجەت قاراجاتىنىڭ يگەرىلۋىنە قوعامدىق باقىلاۋ جۇرگىزۋ تاقىرىبىن قوزعادى.
– بۇعان دەيىن قۇرىلىس بارىسىن باقىلايتىن اقپاراتتىق-سيفرلىق پلاتفورما جۇمىس ىستەيتىنى ايتىلدى. بۇل ەلەكتروندىق جۇيە اشىق قوعامدىق باقىلاۋ جۇرگىزۋگە ارنالعان. سونداي-اق، بىزگە مەكتەپتەر سانى قىسقارعانى تۋرالى بەيرەسمي مالىمەت جەتىپ وتىر. ەگەر بۇل دەرەك شىندىققا سايكەس كەلسە، وندا قارجىلاندىرۋ كولەمى دە قىسقارۋى كەرەك. تاراپتار بيۋدجەت قاراجاتىن يگەرۋ كەزىندە ۇنەمشىلدىك تانىتۋى ءتيىس، – دەدى ول.
فراكسيا جينالىسىنىڭ قورىتىندىسى بويىنشا ەلنۇر بەيسەنبايەۆ دەپۋتاتتاردىڭ جۇمىسىن كۇشەيتۋ بويىنشا ءبىرقاتار تاپسىرما بەردى. ول «جايلى مەكتەپ» جوباسىن تۇراقتى باقىلاۋدا ۇستاۋ ماڭىزدى ەكەنىن اتاپ ءوتتى.
«مەملەكەت باسشىسىنىڭ جايلى مەكتەپتەر سالۋ جونىندەگى يگى باستاماسىن جۇيەلى جۇزەگە اسىرۋىمىز كەرەك. بۇل ىسكە قوعام بولىپ جۇمىلۋ قاجەت. ءاربىر قازاقستاندىق بالا زاماناۋي مەكتەپتە ءبىلىم الۋعا تولىق قۇقىلى. وتاندىق تاۋار وندىرۋشىلەرگە ايتارىم، باستى ماقسات – تابىس تابۋ ەمەس، جايلى مەكتەپ تۇرعىزۋ. جاس ۇرپاق سىزدەر وندىرگەن جيھازداردى پايدالانىپ، 11 جىل ءبىلىم الادى. باقاي ەسەپ ءۇشىن ەمەس، زاماناۋي مەكتەپ سالۋ ءۇشىن جۇمىس ىستەۋمىز كەرەك. AMANAT» فراكسياسى ءاردايىم وسىنداي ماڭىزدى ماسەلەلەردىڭ كوشباسىندا جۇرۋگە دايىن. ءبىز بۇل ماسەلەنى باقىلاۋدا ۇستايمىز»، - دەپ تۇيىندەدى ەلنۇر بەيسەنبايەۆ.
«AMANAT» پارتياسىنىڭ باسپا ءسوز قىزمەتى
سۋرەتتى تۇسىرگەن ءالي عالىم
https://dalanews.kz/news/88427-masimov-kepilmen-syrtqa-shyqsa-kudeba
