قازاقستاندا بٶلٸم بويىنشا جيىنتىق باعالاۋ (بجب) مەن توقساندىق جيىنتىق باعالاۋدان (تجب) كەزەڭ-كەزەڭٸمەن باس تارتۋ جوسپارلانىپ وتىر. بۇل تۋرالى 8 قىركٷيەكتە ٷكٸمەت وتىرىسىنان كەيٸن ٶتكەن بريفينگتە وقۋ-اعارتۋ مينيسترٸ جۇلدىز سٷلەيمەنوۆا مەلٸمدەدٸ, دەپ حابارلايدى dalanews.kz.
وقۋ-اعارتۋ مينيسترلٸگٸ جيىنتىق باعالاۋ جٷيەسٸن ورتا جەنە جوعارى سىنىپتاردا دا ٶزگەرتۋدٸ جوسپارلاپ وتىر. الداعى ۋاقىتتا جاڭاشىلدىق الدىمەن 5–9-سىنىپتاردى قامتيدى. ونى 2027–2028 وقۋ جىلىنان باستاپ بٸرتٸندەپ ەنگٸزۋ كٶزدەلگەن.
جۇلدىز سٷلەيمەنوۆانىڭ سٶزٸنشە, بجب مەن تجب-دان باس تارتپاس بۇرىن جاڭا باعالاۋ تەرتٸبٸ ەزٸرلەنٸپ, مەكتەپتەر مەن پەداگوگتەر ەدٸستەمەلٸك تۇرعىدان دايىندالۋى كەرەك.
"كەلەسٸ كەزەكتە 5–9-سىنىپتارداعى باعالاۋ جٷيەسٸنە ٶزگەرٸس ەنگٸزٸلەدٸ. قاجەتتٸ ەدٸستەمەلٸك دايىندىق اياقتالعان سوڭ, كەلەسٸ وقۋ جىلىنان باستاپ بجب مەن تجب-نى بٸرتٸندەپ الىپ تاستايمىز. سودان كەيٸن 10–11-سىنىپتارداعى باعالاۋ تەسٸلدەرٸن قاراستىرامىز", – دەدٸ مينيستر.
ال بيىلعى وقۋ جىلىنان باستاپ باستاۋىش سىنىپتاردا بجب مەن تجب-نىڭ بۇرىنعى ٷلگٸسٸ قولدانىلمايدى. ەندٸ مۇعالٸمدەر وقۋشىلاردىڭ بٸلٸمٸن ديكتانت, مازمۇنداما, شىعارما, باقىلاۋ جۇمىسى, جوبا جەنە پراكتيكالىق تاپسىرمالار ارقىلى باعالايدى.
