الماتىداعى مەكتەپ اسحانالارىن ۇيىمداستىرۋعا قاتىستى مەملەكەتتٸك ساتىپ الۋ كونكۋرستارىنىڭ اينالاسىندا داۋ تۋىندادى. 1996 جىلدان بەرٸ قوعامدىق تاماقتاندىرۋ سالاسىندا جۇمىس ٸستەپ كەلە جاتقان «بولاشاق» جشس ديرەكتورى نازيرا رىسپەكوۆا مەملەكەتتٸك ساتىپ الۋ كەزٸندە زاڭ بۇزۋشىلىقتارعا جول بەرٸلگەنٸن ايتىپ, قۇزىرلى ورگانداردان تەكسەرٸس جٷرگٸزۋدٸ تالاپ ەتەدٸ, دەپ جازادى Dalanews.kz
كەسٸپكەردٸڭ ايتۋىنشا, كومپانييا 30 جىلعا جۋىق ۋاقىت بويى مەكتەپ اسحانالارىن باسقارىپ, 80-گە جۋىق ادامدى تۇراقتى جۇمىسپەن قامتىپ كەلەدٸ. الايدا بيىلعى ناۋرىز ايىنان باستاپ كەسٸپورىن بٸرنەشە مەكتەپ بويىنشا مەملەكەتتٸك ساتىپ الۋ بارىسىندا قيىندىقتارعا تاپ بولعان.
«بۇل نارىقتا بٸزدٸڭ ەۋلەتٸمٸز وتىز جىلدان بەرٸ ەڭبەك ەتٸپ كەلەدٸ. الدىمەن انام اينالىستى, كەيٸن مەن جالعاستىردىم. وسى ۋاقىتقا دەيٸن ەشقانداي داۋ بولعان ەمەس. بٸراق بيىلعى ناۋرىزدان باستاپ تٷسٸنٸكسٸز جاعدايلارعا تاپ بولدىق», – دەيدٸ نازيرا رىسپەكوۆا.
«تەندەردٸ بٸرەۋ ۇتادى, جۇمىستى باسقا بٸرەۋ اتقارادى»
كەسٸپكەردٸڭ سٶزٸنشە, الماتىداعى №206, №207, №221, №10, №74 جەنە №224 مەكتەپتەردە مەملەكەتتٸك ساتىپ الۋ كونكۋرسىنىڭ جەڭٸمپازى رەتٸندە بٸر كومپانييا كٶرسەتٸلگەنٸمەن, اسحانالاردا ناقتى قىزمەتتٸ باسقا كەسٸپكەرلەر اتقارىپ جاتىر.
«زاڭ بويىنشا تەندەردٸ ۇتىپ العان كومپانييا شارتتاعى مٸندەتتەمەلەردٸ ٶزٸ ورىنداۋى تيٸس. بٸراق بٸز بٸرنەشە مەكتەپتە مٷلدەم باسقا ادامداردىڭ جۇمىس ٸستەپ جاتقانىن انىقتادىق. تٸپتٸ كونكۋرسقا قاتىسپاعان كەسٸپكەرلەر ساۋدا جٷرگٸزٸپ وتىر دەپ ەسەپتەيمٸز», – دەيدٸ ول.
رىسپەكوۆانىڭ ايتۋىنشا, اتالعان مەكتەپتەردە جەكە كەسٸپكەرلەر رەتٸندە تٸركەلگەن «ٷمٸت بۋنگالو draive» جەنە «الي اييا» اتاۋلارىمەن جۇمىس ٸستەيتٸن كەسٸپكەرلەردٸڭ قىزمەتٸ بايقالعان.
سونداي-اق ول ساتىپ الۋشىلاردان تٷسەتٸن QR-تٶلەمدەر دە كەلٸسٸمشارتتاعى رەسمي جەتكٸزۋشٸنٸڭ ەمەس, ٶزگە تۇلعالاردىڭ ەسەپشوتتارىنا اۋدارىلىپ جاتقانىن العا تارتادى.
«ەگەر QR ارقىلى تٶلەنگەن قاراجات رەسمي جەتكٸزۋشٸنٸڭ شوتىنا ەمەس, باسقا ادامنىڭ ەسەپشوتىنا تٷسٸپ جاتسا, بۇل شارت تالاپتارىنا قايشى كەلەدٸ دەپ ەسەپتەيمٸن. مۇنداي مەسەلەگە قۇقىق قورعاۋ جەنە باقىلاۋشى ورگاندار نازار اۋدارۋى كەرەك», – دەيدٸ كەسٸپكەر.
«بەرٸ ديپلومداردى تەكسەرۋدەن باستالدى»
نازيرا رىسپەكوۆانىڭ ايتۋىنشا, داۋ بۇرىن بٸلٸم سالاسىندا قىزمەت اتقارعان زاڭگەر ەرٸ كونسۋلتانت دوسىمجان بالتاباەۆتىڭ شاعىمىنان كەيٸن باستالعان. كەسٸپكەردٸڭ سٶزٸنشە, شاعىم نەگٸزٸندە ونىڭ قىزمەتكەرلەرٸنٸڭ ديپلومدارىنا تەكسەرٸس جٷرگٸزٸلٸپ, كەيٸن اۋديت قورىتىندىسىندا كەيبٸر قۇجاتتار جارامسىز دەپ تانىلعان.
«مەنٸڭ ويىمشا, بۇل تەكسەرٸستٸڭ تٷپكٸ ماقساتى – بٸزدٸ نارىقتان ىعىستىرىپ, باسقا ادامداردىڭ كٸرۋٸنە جول اشۋ بولدى. قازٸر داۋلى مەكتەپتەردە جۇمىس ٸستەپ جٷرگەندەردٸڭ اراسىندا وسى ٸسكە قاتىسى بار ادامداردىڭ جاقىندارى بار دەپ سانايمىن», – دەيدٸ رىسپەكوۆا.
بۇل مەلٸمدەمەلەرگە قاتىستى اتالعان تۇلعالاردىڭ ۇستانىمى ەزٸرگە بەلگٸسٸز.
كەسٸپكەر سوت شەشٸمٸمەن كەلٸسپەيدٸ
«بولاشاق» جشس مەملەكەتتٸك ساتىپ الۋ نەتيجەلەرٸنە بايلانىستى ٸشكٸ مەملەكەتتٸك اۋديتكە شاعىم تٷسٸرگەنٸمەن, كەسٸپكەر ونىڭ نەتيجەسٸنە قاناعاتتانباعانىن ايتادى. كەيٸن مەسەلە سوتقا جەتكەن. سوت كونكۋرس قورىتىندىسىن ٶزگەرٸسسٸز قالدىرىپ, جاڭا جەڭٸمپازبەن 18 ناۋرىزدا جاسالعان كەلٸسٸمشارتتى زاڭدى دەپ تانىعان. وسىلايشا تاتيانا نەۋمياۆاكينا جەڭٸمپاز مەرتەبەسٸن ساقتاپ قالعان.
الايدا نازيرا رىسپەكوۆا بۇل شەشٸممەن كەلٸسپەيتٸنٸن ايتىپ, جوعارى تۇرعان سوت ساتىلارىنا جەنە ۋەكٸلەتتٸ ورگاندارعا شاعىمدانۋعا نيەتتٸ ەكەنٸن جەتكٸزدٸ.
«مەن بۇل شەشٸممەن كەلٸسپەيمٸن. بارلىق جاعدايعا جان-جاقتى ەرٸ تەۋەلسٸز تەكسەرٸس جٷرگٸزٸلگەنٸن قالايمىن. ەگەر بەرٸ زاڭ اياسىندا بولسا, وعان دا كٶز جەتكٸزۋ قاجەت», – دەيدٸ ول.
قۇزىرلى ورگانداردان تەكسەرٸس سۇرايدى
كەسٸپكەر مەكتەپ اسحانالارىن ۇيىمداستىرۋ سالاسىندا مەملەكەتتٸك ساتىپ الۋ تالاپتارىنىڭ ناقتى ورىندالۋىنا كەشەندٸ تەكسەرٸس جٷرگٸزۋ قاجەت دەپ ەسەپتەيدٸ. ونىڭ پٸكٸرٸنشە, كونكۋرس جەڭٸمپازى مەن قىزمەتتٸ ناقتى اتقارۋشى تۇلعالاردىڭ سەيكەستٸگٸ, بيۋدجەت قاراجاتىنىڭ جۇمسالۋى, سونداي-اق QR-تٶلەمدەردٸڭ قاي شوتتارعا تٷسٸپ جاتقانى جان-جاقتى زەرتتەلۋٸ تيٸس.
ايتا كەتەيٸك, نازيرا رىسپەكوۆا كٶتەرگەن جايتتار ونىڭ جەكە مەلٸمدەمەلەرٸ بولىپ تابىلادى. بۇل مەسەلەلەر بويىنشا تٷپكٸلٸكتٸ قۇقىقتىق باعانى قۇزىرلى مەملەكەتتٸك ورگاندار مەن سوت قانا بەرە الادى.
