ادامي كاپيتالدى دامىتۋدىڭ نەگٸزگٸ قۇرامداس بٶلٸگٸ تيٸمدٸ دەنساۋلىق ساقتاۋ جٷيەسٸ بولىپ تابىلادى, - دەدٸ قاسىم-جومارت توقاەۆ قازاقستان پارلامەنتٸنٸڭ بٸرٸنشٸ سەسسيياسىنىڭ اشىلۋىندا. «مەملەكەت ۇلت دەنساۋلىعىن نىعايتۋعا وراسان زور كٷش سالۋدا, نەتيجەسٸندە ازاماتتاردىڭ ورتاشا ٶمٸر سٷرۋ ۇزاقتىعى 74,4 جاسقا دەيٸن ۇلعايدى, بۇل تاريحىمىزداعى رەكوردتىق كٶرسەتكٸش», - دەدٸ ق.توقاەۆ.
ييا, ۇلت ساۋلىعى ويداعىداي قامتاماسىز ەتٸلگەندە عانا قوعامنىڭ ٷيلەسٸمدٸ دامۋى مٷمكٸن.
قازاقستان 2023 جىلى مەديتسينا سالاسىن قارجىلاندىرۋ 2,5 ترلن تەڭگەگە جەتتٸ. دٷنيەجٷزٸلٸك دەنساۋلىق ساقتاۋ ۇيىمى دامۋشى ەلدەردٸڭ دەنساۋلىق ساقتاۋ سالاسىنا ٸشكٸ جالپى ٶنٸمنٸڭ 5-8% ٷلەسٸ جۇمسالۋى قاجەتتٸگٸ تۋرالى ۇستانىمىنا سەيكەس, مەملەكەت باسشىسىنىڭ دەنساۋلىق ساقتاۋ شىعىندارىنىڭ ٷلەسٸن جٸٶ-دەن 5% - عا دەيٸن ۇلعايتۋ تۋرالى تاپسىرما بەرگەنٸ ايان.
بيىل دەنساۋلىق ساقتاۋ شىعىندارى جالپى ٸشكٸ ٶنٸمنٸڭ 3,7% قۇرادى. سالىستىرمالى تٷردە ايتساق, 2019 جىلعى بۇل كٶرسەتكٸش بار-جوعى 2,8% بولاتىن.
2019 جىلى مەديتسينا سالاسىن قارجىلاندىرۋ نەبەرٸ 1,3 ترلن تەڭگەنٸ, 2021 جىلى – 1,8 ترلن تەڭگەنٸ, 2022 جىلى – 2,2 ترلن تەڭگەنٸ قۇرادى, ال 2023 جىلى 2,5 ترلن تەڭگەگە جەتتٸ. مەديتسينالىق سالانى قارجىلاندىرۋدىڭ ٶسۋٸ دەنساۋلىق ساقتاۋ جٷيەسٸنٸڭ ماتەريالدىق-تەحنيكالىق بازاسىن ۇلعايتىپ قانا قويماي, مەديتسينا سالاسى قىزمەتكەرلەرٸنٸڭ جۇمىس جاعدايلارىن جاقسارتۋعا مٷمكٸندٸك بەرٸپ وتىر.
تاعى بٸر نازار اۋدارار فاكتور, قازاقستاندا حالىقتىڭ ٶسۋٸ دە بۇل سالانى قارجىلاندىرۋدىڭ ۇلعايۋىنا ەسەر بەردٸ.
قازاقستاننىڭ جەرٸ كەڭ, ەلدٸ مەكەندەر اراسىنداعى قاشىقتىق ايتارلىقتاي بولعاندىقتان, مەديتسينالىق قىزمەت كٶرسەتۋدٸڭ تٷرلٸ زاماناۋي تەسٸلدەرٸ پايدانىلۋى تيٸس. قاشىقتىقتان مەديتسينالىق جەردەم كٶرسەتۋ, موبيلدٸ مەدكٶمەك, اۋىلدىق جەرلەردە امبۋلاتورييالىق مەكەمەلەر سالۋ دا مەملەكەت باسشىسى باسا نازار اۋدارعان باعىتتار.
ەلٸمٸزدەگٸ مەديتسينالىق ينفراقۇرىلىممەن قامتاماسىز ەتۋ بويىنشا بيىل 78 دەنساۋلىق ساقتاۋ نىسانى سالىنىپ, ونىڭ ٸشٸندە "اۋىلدىق دەنساۋلىق ساقتاۋدى جاڭعىرتۋ" ۇلتتىق جوباسى شەڭبەرٸندە – 47, سونداي – اق 80 مەديتسينالىق مەكەمە كٷردەلٸ جٶندەۋدەن ٶتكەن.
بۇل دا بولسا, قانشاما ازاماتتىڭ العاشقى مەديتسينالىق-سانيتارلىق كٶمەككە قول جەتكٸزۋٸنە مٷمكٸندٸك.
سالانىڭ سوزىلمالى جەتكٸلٸكسٸز قارجىلاندىرىلۋى ساقتاندىرىلعان ازاماتتاردىڭ ٶزدەرٸنە دە تيەسٸلٸ مەديتسينالىق قىزمەت كٶلەمٸن الماۋىنا الىپ كەلەدٸ. ٶركەنيەتتٸ ەلدەردە مەديتسينا سالاسى تەك بيۋدجەتكە تەلمٸرٸپ وتىرماي, ينۆەستيتسييالىق تابىستى سالا رەتٸندە دە ەسەپتەلەدٸ.
مەملەكەت باسشىسى, مەديتسينا – ينۆەستيتسييالىق تارتىمدى سالا ەكەندٸگٸنە, تەك قولايلى جاعداي جاساۋ كەرەكتٸگٸنە دە ەرەكشە كٶڭٸل بٶلٸپ كەلەدٸ.
ٷكٸمەتتٸڭ بەرگەن ەسەبٸ بويىنشا. جەكە ينۆەستيتسييالار ەسەبٸنەن دەنساۋلىق ساقتاۋ وبەكتٸلەرٸن سالۋ جەنە جاراقتاندىرۋ بويىنشا جۇمىستار بەلسەندٸ قولعا الىنعان.
بيىل دەمەۋشٸلٸك كٶمەك ەسەبٸنەن 475 ملن تەڭگە سوماعا اتىراۋ قالاسىنىڭ "بەرەكە" شاعىن اۋدانىندا دەرٸگەرلٸك امبۋلاتورييا, سونداي-اق شىمكەنت قالاسىنىڭ" ىنتىماق-2 " شاعىن اۋدانىندا اۋىسىمىنا 350 ادام قابىلدايتىن ەمحانا سالىنعانى قۋانتارلىق.
الماتى وبلىسىندا "Dolce" جشس وڭتٷستٸك كورەيالىق "SGP" كومپانيياسىمەن بٸرلەسٸپ وڭتٷستٸك كورەيا تەحنولوگيياسى بويىنشا وزىق شپريتستەر ٶندٸرۋ بويىنشا جوبا ٸسكە اسىرىلدى.
"Clever Medical" جشس الماتى وبلىسىندا وپەراتسييالىق بٶلمەلەرگە ارنالعان وتاندىق مەديتسينالىق بۇيىمدار ٶندٸرٸسٸن ٸسكە قوستى.
الماتى قالاسىندا "Ordamed" اق وتاندىق كومپانيياسىنىڭ بازاسىندا وڭتٷستٸك كورەيالىق "Samsung Madison"كومپانيياسىنىڭ جوعارى جەنە ساراپتامالىق كلاستى ۋلترادىبىستىق ستاتسيونارلىق دياگنوستيكالىق جٷيەلەرٸن (Heka U1-U10) شىعارۋ جولعا قويىلعان.
"AiSonic" جشس ماڭعىستاۋ وبلىسىندا العاشقى وتاندىق "ايشىق"ەستۋ اپپاراتتارىنىڭ ٶندٸرٸسٸن ٸسكە قوستى. ۋلترامەدتەح KZ" جشس سولتٷستٸك قازاقستان وبلىسىندا ەل ٸشٸندەگٸ قاجەتتٸلٸكتٸ جابۋ ٷشٸن باكتەريتسيدتٸ سەۋلەلەندٸرگٸشتەر مەن اۋا رەتسيركۋلياتورلارىن شىعارۋدى ٸسكە قوستى.
شىمكەنت قالاسىندا "Ultra Technology" جشس سٷزگٸش جارتىلاي ماسكالار ٶندٸرٸسٸن ٸسكە قوستى. "كولگانات-قاراعاندى" جشس كلاپانى بار kn95 مەديتسينالىق ماسكا-رەسپيراتورلارىن ٶندٸرۋ جەلٸسٸ تولىق دايىندالدى, "Super Pharm" جشس جامبىل وبلىسىندا وتاندىق تۇتىنۋشىلاردى قاناعاتتاندىرۋ ٷشٸن قۋاتتىلىعى جىلىنا 250 ملن شپريتسكە دەيٸنگٸ بٸر رەتتٸك ستەريلدٸ شپريتستەر ٶندٸرٸسٸن ٸسكە قوسقان. ياعني مەديتسينالىق سالانى دامىتۋعا ينۆەستيتسييالىق مٷمكٸندٸكتەردٸ دۇرىس پايدالانىپ, مەملەكەت تاراپىنان قولداۋ ويداعىداي بولعاندا, سالانىڭ ۇزاق جىلعى مەسەلەلەرٸن دە شەشۋگە, حالىقتىڭ ساپالى مەديتسينالىق كٶمەك الۋىنا دا, جۇمىسپەن قامتۋ مەسەلەسٸن شەشۋگە بولادى.
باستىسى, قوعامىمىزدىڭ سوزىلمالى دەرتٸ - جەمقورلىقتان ساۋىقتىرۋ دا باستى نازاردا بولۋ كەرەك.
بيبٸگٷل جەكسەنباي
