ءبىرىڭعاي جيىنتىق تولەمدى كىمدەر جانە قالاي تولەيدى؟
2019 جىلدىڭ قاڭتار ايىنان باستاپ ەلىمىزدە جاڭا تولەم جۇيەسى – ءبىرىڭعاي جيىنتىق تولەم جۇيەسى (بجت) ەنگىزىلدى. ول ءتورت ءتۇرلى تولەمدى – جەكە تابىس سالىعىن، زەينەتاقى قورىنا، مەديسينالىق ساقتاندىرۋ قورىنا جانە الەۋمەتتىك ساقتاندىرۋ قورىنا جاسالاتىن جارنالاردى بىرىكتىرەدى. ءبىرىڭعاي جيىنتىق تولەم جۇيەسى قاراماعىنا جۇمىسكەر الماي، تابىس تابۋ ماقساتىندا جەكە تۇلعالارعا قىزمەت كورسەتەتىن ازاماتتارعا ارنالعان.
ءبىرىڭعاي جيىنتىق تولەمدى قولما-قول اقشالاي نەمەسە بانكتەر مەن جەكەلەگەن بانك قىزمەتىن كورسەتەتىن ۇيىمدار ارقىلى تولەيدى. ول مەملەكەتتىك كورپوراسيانىڭ بانكتىك ەسەپ-شوتىنا تولەنەدى. ەگەر قاراجات ءبىرىڭعاي جيىنتىق تولەم كولەمىنە سايكەس كەلمەسە، اتالعان ۇيىمدار بجت قابىلدامايدى. بجت مولشەرى: رەسپۋبليكالىق ماڭىزى بار قالالار ءۇشىن - 1 اەك (ايلىق ەسەپتىك كورسەتكىش)؛ باسقا ەلدى مەكەندەر (اۋدان، اۋىل، ت.ب.) ءۇشىن - 0،5 اەك.
ءبىرىڭعاي جيىنتىق تولەمدى تولەۋشىلەر ءوز بەتىنشە تولەي الادى نەمەسە ولاردىڭ پايداسى ءۇشىن ءۇشىنشى تۇلعا تولەيدى. ءبىرىڭعاي جيىنتىق تولەم تولەگەن كەزدە، تولەم جاساعان ايى، جىلى كورسەتىلۋى ءتيىس.
بانكتەر مەن جەكەلەگەن بانك قىزمەتتەرىن كورسەتەتىن ۇيىمدارعا تۇسكەن ءبىرىڭعاي جيىنتىق تولەمدەر مت-102 ەلەكتروندى تولەم تاپسىرماسى بويىنشا مەملەكەتتىك كورپوراسياعا اۋدارىلادى. مت-102 تولەم تاپسىرماسىنىڭ فورماتىنا ءبىرىڭعاي جيىنتىق تولەم تولەيتىن تۇلعانىڭ جەكە سايكەستەندىرىلگەن ءنومىرى؛ تەگى، اتى، ءجونى؛ تۋعان كۇنى، ايى، جىلى؛ تولەمنىڭ كولەمى ەنەدى. مەملەكەتتىك كورپوراسيا قاراجات تۇسكەن كۇننەن باستاپ ءۇش وپەراسيالىق كۇن ىشىندە بجت سوماسىن ءتيىستى سالالارعا ۇلەستىرىپ، اۋدارادى:
10% - جەكە تابىس سالىعى؛
20% - الەۋمەتتىك اۋدارىمدار؛
30% - زەينەتاقى جارناسى؛
40% - مەديسينالىق ساقتاندىرۋ جارناسى.
ياعني، وسى تولەم جۇيەسىمەن جارنا تولەۋ ارقىلى ەلوردالىق ءوزىن-وزى جۇمىسپەن قامتۋشىلار دا مىندەتتى الەۋمەتتىك مەديسينالىق ساقتاندىرۋ جۇيەسىنە قاتىسۋعا مۇمكىندىك الادى. وسىلايشا ازاماتتار ۋاقىتى مەن قارجىسىن ۇنەمدەپ عانا قويماي، بولاشاقتا جەكە باسىنا قاجەتتى تولەمدەردەن قول ۇزبەيدى.
بيىلعى جىلى مەديسينالىق ساقتاندىرۋ جارناسىنىڭ مولشەرى قانداي بولماق؟
2019 جىلى ەلوردالىق جۇمىس بەرۋشىلەر ءوز قاراجاتى ەسەبىنەن جۇمىسكەر ءۇشىن ونىڭ تابىسىنىڭ 1،5% مولشەرىندە جارنا اۋدارادى.
تولەم بويىنشا شەكتەۋ دە بار ەكەنىن ەسكەرۋ كەرەك: ەگەر ازامات ەڭ تومەنگى جالاقى كورسەتكىشىنىڭ 10 ەسە مولشەرىنەن جوعارى سومادا جالاقى الاتىن بولسا، تەك 10 ەڭ تومەنگى جالاقى كورسەتكىشىنەن عانا جارنا تولەنەدى.
2020 جىلدان جۇمىس بەرۋشىلەر مەن باسقا دا ازاماتتار قانشا تولەيدى؟
استانا قالاسىنداعى جۇمىس بەرۋشىلەر ءوز جۇمىسكەرلەرى ءۇشىن جارنا اۋدارۋدى جالعاستىرا بەرەدى. 2020 جىلدان باستاپ ولار ءوز قاراجاتى ەسەبىنەن جۇمىسكەر ءۇشىن ونىڭ تابىسىنىڭ 2% مولشەرىندە جانە جۇمىسكەر قاراجاتى ەسەبىنەن ونىڭ تابىسىنىڭ 1% مولشەرىندە جارنا اۋدارادى.
جەكە كاسىپكەرلەر ءوزى ءۇشىن ءتيىستى قارجىلىق جىلداعى ەڭ تومەنگى جالاقى 1،4 ەسە مولشەرىنەن 5% جارنا تولەيدى.
ال مەملەكەت 2020 جىلدان باستاپ حالىقتىڭ 13 ساناتى ءۇشىن جارنا اۋدارادى. ولار: بالالار، زەينەتكەرلەر، ونىڭ ىشىندە ۇلى وتان سوعىسىنىڭ قاتىسۋشىلارى مەن مۇگەدەكتەرى، كوپ بالالى انالار، جۇمىس ىستەمەيتىن جۇكتى ايەلدەر، بالا كۇتىمىنە بايلانىستى دەمالىستاعى انالار، مۇگەدەكتەر جانە مۇگەدەك بالالارعا كۇتىم جاسايتىن ادامدار، تىركەلگەن جۇمىسسىزدار، جۇمىس ىستەمەيتىن ورالماندار، ستۋدەنتتەر، ينتەرنات تاربيەلەنۋشىلەرى، تەرگەۋ يزولياتورلارىنداعىلار مەن تۇرمەدە جازاسىن وتەۋشىلەر.
مەديسينالىق ساقتاندىرۋ قورىنا ءوز بەتىمەن جارنا اۋداراتىندار، ياعني رەسمي تۇردە ەش جەردە تىركەلمەگەندەر، 2020 جىلدان باستاپ اي سايىن ەڭ تومەنگى جالاقى كورسەتكىشىنىڭ 5% مولشەرىندە جارنا تولەيدى.
ەستەرىڭىزگە سالامىز، مىندەتتى الەۋمەتتىك مەديسينالىق ساقتاندىرۋ جارنالارى، ياعني جيناقتالعان قارجى ۇلتتىق بانكتە ساقتالادى. الەۋمەتتىك مەديسينالىق ساقتاندىرۋ قورى ۇلتتىق بانكپەن سەنىمگەرلىك باسقارۋ تۋرالى كەلىسىمشارت جاساسقان. 2020 جىلدان باستاپ بۇل قاراجات مىندەتتى الەۋمەتتىك مەديسينالىق ساقتاندىرۋ پاكەتى شەڭبەرىندەگى قىزمەتتەر اقىسىن تولەۋگە جۇمسالادى.
جارنا اۋدارۋ: استانا قالاسى ەكىنشى ورىندا
مەديسينالىق ساقتاندىرۋ قورىنا جارنا اۋدارۋدا ەلوردالىق جۇمىس بەرۋشىلەر دە بەلسەندىلىك تانىتىپ كەلەدى.
جۇيە ىسكە قوسىلعان 2017 جىلدىڭ 1 شىلدەسى مەن 2019 جىلدىڭ 1 اقپانى ارالىعىندا استانا قالاسى بويىنشا جيناقتالعان جارنانىڭ جالپى سوماسى 17، 67 ملرد تەڭگەنى قۇرادى.
ونىڭ 16،38 ملرد تەڭگەسى (شامامەن 92،7%) جۇمىس بەرۋشىلەردىڭ اۋدارىمدارى بولسا، قالعان 1،29 ملرد تەڭگە (7.3 %) – جەكە كاسىپكەرلەر مەن ازاماتتىق-قۇقىقتىق كەلىسىمشارت نەگىزىندە ەڭبەك ەتەتىن تۇلعالارعا تيەسىلى.
جالپى، ايماقتىق تۇرعىدان العاندا، استانا (12،58%) مەديسينالىق ساقتاندىرۋ جارنالارى - اۋدارىمدارى بويىنشا الماتى قالاسىنان (21،04%) كەيىن ەكىنشى ورىندا، ءۇشىنشى ورىندا - قاراعاندى وبلىسى (8،23%).
ءسىز بىلەسىز بە؟
مىندەتتى الەۋمەتتىك مەديسينالىق ساقتاندىرۋ جارنالارى، ياعني جيناقتالعان قارجى ۇلتتىق بانكتە ساقتالادى. الەۋمەتتىك مەديسينالىق ساقتاندىرۋ قورى ۇلتتىق بانكپەن سەنىمگەرلىك باسقارۋ تۋرالى كەلىسىمشارت جاساسقان. بولاشاقتا بۇل قاراجات مىندەتتى الەۋمەتتىك مەديسينالىق ساقتاندىرۋ پاكەتى شەڭبەرىندەگى قىزمەتتەر اقىسىن تولەۋگە جۇمسالادى.
