بٸرلەسكەن جوبا اياسىندا وتاندىق مەديا سالاسىنداعى عالىمدار ەلٸمٸزدەگٸ باق سالاسىنىڭ دامۋىنا قاتىستى ماڭىزدى سۇراقتارعا جاۋاپ ٸزدەۋگە تىرىستى.
جوبا اياسىندا يۋنەسكو ۇيىمى وتاندىق عالىمدارعا مەتودولوگييالىق جاعىنان كٶمەك بەردٸ. ال, “مەديا دامىتۋ قورى” كورپوراتيۆتٸك قورى جوبانى ٷيلەستٸرۋگە ات سالىستى.
“عالىمدار 2021-جىلى وتىندىق باق سالاسىندا بولعان ٶزگەرٸستەرگە, تەندەنتسييالارعا تەرەڭ سيپاتتاما بەرۋگە تىرىستى. جەنە جوبا اياسىندا سالانى دامىتۋ ماقساتىندا كەشەندٸ ۇسىنىستار لەگٸ دايىندالدى,”- دەيدٸ “مەديا دامىتۋ قورى” كورپوراتيۆتٸك قورى باس ديرەكتورىنىڭ كەڭەسشٸسٸ جايناگٷل تٶلەمٸس.
“قازاقستانداعى باق دامۋىنىڭ ٶلشەمدەرٸ” دەپ اتالاتىن جوبا بەس باعىتتى قامتيدى.
- بٸرٸنشٸ باعىت ەلٸمٸزدەگٸ مەديا جٷيەسٸن رەتتەۋ, زاڭنامانى حالىقارالىق ستاندارتتارعا سەيكەستەندٸرۋ تاقىرىپتارىن قامتيدى.
- ەكٸنشٸ باعىت اقپارات قۇرالدارىنداعى پليۋراليزمدٸ قالىپتاستىرۋ, ەرتٷرلٸ توپتاردىڭ مٷددەسٸنٸڭ ەسكەرٸلۋٸ مەسەلەسٸن, اقپارات قۇرالدارىنىڭ ەرتٷرلٸلٸگٸ, ەكونوميكالىق جاعدايى, مەنشٸك مەسەلەلەرٸ قاراستىرىلادى.
- ٷشٸنشٸ باعىتتا ەلٸمٸزدەگٸ تٷرلٸ ەتنيكالىق توپتارعا تيەسٸلٸ باقتاردىڭ جۇمىسى زەردەلەنەدٸ. وعان قوسا جۋرناليستەردٸڭ قاۋٸپسٸزدٸگٸن قامتاماسىز ەتۋ مەسەلەلەرٸ كٶتەرٸلەدٸ.
- تٶرتٸنشٸ بٶلٸم سالا ماماندارىنىڭ كەسٸبي ەلەۋەتٸن كٶتەرۋ, وقىتۋ, بٸلٸكتٸلٸكتٸ ارتتىرۋ مەسەلەلەرٸن قامتيدى.
- بەسٸنشٸ بٶلٸمدە ەلدەگٸ مەديا سالاسىنداعى ينفراقۇرىلىمدى دامىتۋ مەسەلەلەرٸ قامتىلعان.
وسى جوبا اياسىندا “مەديا دامىتۋ قورى” كورپوراتيۆتٸك قورى مەن يۋنەسكونىڭ الماتىداعى بيۋروسى بٸرلەسٸپ ٷش مەرتە كٶپجاقتى كونسۋلتاتيۆتٸك كەڭەس وتىرىسىن ٶتكٸزدٸ. اشىق تالقىلاۋلارعا سەكسەنگە جۋىق سالا مامانى قاتىسىپ, ٶز پٸكٸرلەرٸن, ۇسىنىستارىن ورتاعا سالعان.
