Birlesken joba aıasynda otandyq medıa salasyndaǵy ǵalymdar elimizdegi BAQ salasynyń damýyna qatysty mańyzdy suraqtarǵa jaýap izdeýge tyrysty.
Joba aıasynda Iýnesko uıymy otandyq ǵalymdarǵa metodologıalyq jaǵynan kómek berdi. Al, “Medıa Damytý Qory” Korporatıvtik qory jobany úılestirýge at salysty.
“Ǵalymdar 2021-jyly otyndyq BAQ salasynda bolǵan ózgeristerge, tendensıalarǵa tereń sıpattama berýge tyrysty. Jáne joba aıasynda salany damytý maqsatynda keshendi usynystar legi daıyndaldy,”- deıdi “Medıa Damytý Qory” Korporatıvtik qory bas dırektorynyń keńesshisi Jaınagúl Tólemis.
“Qazaqstandaǵy BAQ damýynyń ólshemderi” dep atalatyn joba bes baǵytty qamtıdy.
- Birinshi baǵyt elimizdegi medıa júıesin retteý, zańnamany halyqaralyq standarttarǵa sáıkestendirý taqyryptaryn qamtıdy.
- Ekinshi baǵyt aqparat quraldaryndaǵy plúralızmdi qalyptastyrý, ártúrli toptardyń múddesiniń eskerilýi máselesin, aqparat quraldarynyń ártúrliligi, ekonomıkalyq jaǵdaıy, menshik máseleleri qarastyrylady.
- Úshinshi baǵytta elimizdegi túrli etnıkalyq toptarǵa tıesili BAQtardyń jumysy zerdelenedi. Oǵan qosa jýrnalıserdiń qaýipsizdigin qamtamasyz etý máseleleri kóteriledi.
- Tórtinshi bólim sala mamandarynyń kásibı áleýetin kóterý, oqytý, biliktilikti arttyrý máselelerin qamtıdy.
- Besinshi bólimde eldegi medıa salasyndaǵy ınfraqurylymdy damytý máseleleri qamtylǵan.
Osy joba aıasynda “Medıa Damytý Qory” Korporatıvtik qory men Iýneskonyń Almatydaǵy Búrosy birlesip úsh márte kópjaqty konsýltatıvtik keńes otyrysyn ótkizdi. Ashyq talqylaýlarǵa seksenge jýyq sala mamany qatysyp, óz pikirlerin, usynystaryn ortaǵa salǵan.
