قازاقستاندا بٸرٸنشٸ رەت اشىلعان McDonald's-تەگٸ ۇزىن-سونار كەزەك باتىس باسپاسٶزٸنە دە ٸلٸندٸ. سونىمەن بٸرگە الماتى ەلەمدەگٸ ارزان قالالاردىڭ قاتارىنا دا كٸرٸپتٸ.
امەريكانىڭ New York Post گازەتٸ "جىلقى ەتٸ مەن قىمىز – حالقىنىڭ ەڭ جەڭسٸك تاعامى سانالاتىن ەرٸ ساشا بارون كوەننٸڭ كەيٸپكەرٸ "بورات" تۋعان ورتالىق ازييانىڭ شاعىن ەلٸندە سەيسەنبٸ كٷنٸ McDonald's ٶزٸنٸڭ العاشقى مەيرامحاناسىن اشتى" دەپ جازدى. گازەت قازاقستاندا امەريكالىق Starbucks كوفەحانالار جەلٸسٸ مەن فرانتسييانىڭ Carrefour سۋپەرماركەتتەر جەلٸسٸ اشىلعانىن دا حابارلاعان.
ۇلىبريتانييانىڭ Daily Telegraph گازەتٸ "كەشە قازاقستاننىڭ استاناسىندا العاشقى McDonald's اشىلدى, فري كارتوشكاسى, بيۋرگەر مەن McDonald's جەلٸسٸنٸڭ قۇرامى قۇپييا تۇزدىعىنىڭ دەمٸن العاش تاتىپ كٶرۋ ٷشٸن جۇرت ۇزاق-سونار كەزەككە تۇردى. بۇل كٶرٸنٸس 2006 جىلى كومەدييالىق فيلم ەيگٸلٸ ەتكەن ويدان شىعارىلعان قازاقستاندىق تٸلشٸ بوراتقا "امەريكانى ۇلى ەلگە اينالدىرعان نەرسە" رەتٸندە سٶزسٸز ۇنار ەدٸ" دەپ جازادى.
ۇلىبريتانييانىڭ Mirror گازەتٸنٸڭ "McDonald's جەلٸسٸنٸڭ قازاقستانداعى العاشقى مەيرامحاناسى اشىلۋ رەسٸمٸنە جٷزدەگەن ادام كەلدٸ, بٸراق اس مەزٸرٸندە ۇلتتىق تاعام جوق" دەگەن ماقالاسىندا ەرتەرەكتە قازاقستاندىق McDonald's مەيرامحاناسىنىڭ قوجايىنى بيزنەسمەن قايرات بورانباەۆ ٸشٸندە جىلقى ەتٸ بار "قازاقتىڭ ۇلتتىق تاعامدارى" بولادى دەپ ۋەدە ەتكەنٸن جازادى.
ال ۇلىبريتانييانىڭ Daily Mail گازەتٸنٸڭ جازۋىنشا, Economist Intelligence Unit ينستيتۋتى الماتىنى ەلەمدەگٸ تۇرمىس دەڭگەيٸ ەڭ ارزان قالالار قاتارىنا قوسقان. ەڭ ارزان قالالار تٸزٸمٸندە الماتىدان بٶلەك, زامبييانىڭ لۋساكا, ٷندٸستاننىڭ بانگالور مەن بومبەي, الجيردەگٸ الجير قالالارى ەنگەن. ەلەمنٸڭ ەڭ قىمبات قالالارى قاتارىندا سينگاپۋر, تسيۋريح, گونكونگ, جەنەۆا جەنە پاريج اتالعان.
