مەجٸلٸس دەپۋتاتى, "AMANAT" پارتيياسى فراكتسيياسىنىڭ مٷشەسٸ بولات كەرٸمبەك ٷكٸمەتكە كٶكپار ۇيىمداستىرۋ جەنە ٶتكٸزۋ كەزٸندەگٸ قاۋٸپسٸزدٸك تالاپتارىن كٷشەيتۋ جٶنٸندە دەپۋتاتتىق ساۋال جولدادى, دەپ حابارلايدى dalanews.kz.
دەپۋتاتتىڭ ايتۋىنشا, كەيٸنگٸ جىلدارى ۇلتتىق سپورت تٷرٸنە قىزىعۋشىلىق ايتارلىقتاي ارتقان. ەسٸرەسە جامبىل, تٷركٸستان, قىزىلوردا جەنە الماتى وبلىستارىندا كٶكپار كەڭٸنەن تارالعان. تەك ٶتكەن جىلدىڭ قاراشا-جەلتوقسان ايلارىندا بۇل ٶڭٸرلەردە 130-عا جۋىق رەسمي ويىن ٶتكٸزٸلسە, بيىلعى ناۋرىز-سەۋٸر ايلارىندا ولاردىڭ سانى 80-نەن اسقان. بۇدان بٶلەك, تٷرلٸ اس پەن تويلاردا ۇيىمداستىرىلاتىن بەيرەسمي كٶكپارلار دا جيٸ ٶتەدٸ.
الايدا دەپۋتات قولدانىستاعى تالاپتاردىڭ تولىق ساقتالماي وتىرعانىن اتاپ ٶتتٸ. ونىڭ سٶزٸنشە, كەيبٸر ويىنداردا قاتىسۋشىلار سانى شەكتەلمەيدٸ, جاس ەرەكشەلٸكتەرٸ ەسكەرٸلمەيدٸ جەنە قاۋٸپسٸزدٸك شارالارى جەتكٸلٸكتٸ دەڭگەيدە قامتاماسىز ەتٸلمەيدٸ.
"كەي جاعدايدا كٶكپارعا بٸرنەشە جٷزدەن ەكٸ مىڭعا دەيٸن ادام قاتىسادى. مۇنداي جاعدايدا قاۋٸپسٸزدٸك پەن تەرتٸپتٸ باقىلاۋ قيىنعا سوعادى", – دەدٸ ول.
سونداي-اق دەپۋتات كٶكپار اتتارىن دايىنداۋ مەن پايدالانۋ تەرتٸبٸ ناقتى رەتتەلمەگەنٸن, اتتارعا كٷش كٶرسەتۋ, دوپينگ قولدانۋ جەنە ەدەيٸ سوقتىعىسۋ سەكٸلدٸ جاعدايلار كەزدەسەتٸنٸن ايتتى.
مەجٸلٸسمەن بۇل مەسەلەنٸڭ ٶزەكتٸلٸگٸن جاقىندا اقمولا وبلىسىندا بولعان قايعىلى وقيعامەن بايلانىستىردى. 26 مامىر كٷنٸ تسەلينوگراد اۋدانىندا كٶكپار جاتتىعۋى كەزٸندە 14 جاستاعى جاسٶسپٸرٸم اتتان قۇلاپ, العان جاراقاتتارىنان كٶز جۇمعان.
وسىعان بايلانىستى بولات كەرٸمبەك "جاپپاي كٶكپارعا" ارنالعان قاۋٸپسٸزدٸك ستاندارتتارىن زاڭنامالىق دەڭگەيدە بەكٸتۋدٸ ۇسىندى. اتاپ ايتقاندا, قاتىسۋشىلار سانىنا شەكتەۋ ەنگٸزۋ, مەديتسينالىق جەنە ۆەتەرينارلىق باقىلاۋدى مٸندەتتەۋ, سونداي-اق كٶكپار ۇيىمداستىرۋعا قاتىستى مەملەكەتتٸك ورگاندار مەن فەدەراتسييانىڭ قۇزىرەتتەرٸن ناقتىلاۋ مەسەلەسٸن كٶتەردٸ.
بۇدان بٶلەك, قاۋٸپسٸزدٸك تالاپتارىن ساقتاماي نەمەسە تيٸستٸ رۇقساتسىز كٶكپار ۇيىمداستىرعان تۇلعالاردىڭ جاۋاپكەرشٸلٸگٸن كٷشەيتۋ قاجەتتٸگٸن ايتتى.
